Oviimbo
Ko wokutumbula-mo. Otyiimbo Ndaviti omuundapi wa Siovaa aimbila Siovaa monthiki Siovaa emuyovola peke lionondyale mbae ambuho no peke lya Saulu. Ati:+
18 Ame ndyikuhole Siovaa, nonkhono mbange.+
2 Siovaa onkhanda yange, omu napamena, omuyovoli wange.+
Huku yange oe onkhanda+ yange omu ndyiholama,
Ondyakulilo yange, omuyovoli* wange omunene,* otyiholamo tyange tyokwapama.*+
3 Ndyifenda Siovaa mokonda oe vala una okuhivilikwa,
Mandyiyovolwa konondyale mbange.+
6 Mononkhumbi mbange nelikwambela ku Siovaa,
Andyuulula ononkhwo opo Huku yange ankhwateseko.
Ondaka yange aihiki kondywo yae, eiivi,+
Onkhwo yange naulula opo ankhwateseko, aihiki momakutwi ae.+
8 Momayulu ae amutundu omwihi,
Momulungu wae amutundu otupia tuyoka,+
Kwe, akutundu omakala ena otupia.
10 Weile nokuvavala tyavelama ko kelumbii.*+
Watuluka liwa-liwa otyo eli kombanda yomavava oandyu.*+
12 Monohanya mbutunda kwe,
Amutundu ongandavila nomakala ena otupia aakwata momakaka.
13 Siovaa ahimbika okutitimina meulu,+
Omunene eivalesa ondaka yae+
Nomamanya ongandavila nomakala atema.
15 Eheke kohi yomeva alimoneka.+
Ehina liohi alihololoka mokonda yomaviyu ove, ove Siovaa,
Nomphepo onene itunda momayulu ove.+
16 Watandaveka okuvoko otyo eli meulu,
Wankhwata andyaula kohi yomeva.+
18 Vandwisa monthiki yovihuna viange,+
Mahi Siovaa ankhwatesako.
20 Siovaa wampha ondyambi mokonda ndyimuviukisi.+
Wampha ondyambi mokonda omankhanya ange etupu etyi alinga.*+
21 Ame ndyiendela monondyila mba Siovaa,
Halingile onkhali yokuyeka-po Huku yange.
22 Onomphela mbae ambuho mbuli kotyipala tyange.
Ovitumino viae himevitombo.
25 Omukwatyili umutekula noukwatyili.+
Omunthu wahavelwa onombei, kumuvele onombei.+
26 Komusukuki noove ukala omusukuki,+
Mahi ko wokwapenga ove ukala onkhengela.+
28 Siovaa, ove uyakesa otyimimi tyange,
Huku yange, ove umimikila tyina ndyili menthiki.+
29 Tyina unkhwatesako ndyipondola okulwisa onthumbo yovifwanga.+
Kononkhono mba Huku ndyipondola okulonda otyimato.+
Huku ondyakulilo yovanthu aveho vaholama mwe.+
31 Okuti kuna vali Huku omukwavo, ha Siovaa vala?+
Olie vali onkhanda, ha Huku yetu vala?+
33 Onomphai mbange umbukalesa ngomakondyo ombambi,
Unthalameka ponomphangu mbaya peulu.+
34 Ulongesa omavoko ange opo ndyikalwe.
Omavoko ange apondola okwooma onkhondyi yotyitasu.
35 Ove umpha ondyakulilo yove yokuyovola,+
Okuvoko kwove kwokulio kunkhwatesako,*
Okweliola kwove omutima, kunkhalesa omunene.+
37 Mandyitaata onondyale mbange, andyimbuvasi.
Mandyikondoka vala tyina vamapu-po aveho.
38 Mandyivemiangula avehetyivili vali okukatuka.+
Mavakatoka, andyikaliatela kuvo.
39 Ove mokandyavela ononkhono mbokulwa.
Onondyale mbange mokembutokehila komutwe wange.+
41 Veliyava okwiita vakwatesweko, mahi nawike uveyovola;
Atee umwe veliyava ku Siovaa, mahi kevekumbulula.
42 Mandyikevekunkha avakala ngombundu yeheke yenda nomphepo.
Mandyikeveyumbahi avakala ngonthata momatapalo.
43 Ove mokandyovola kokulondovolwa* novanthu.+
Mokankhalesa onkhalamutwe yovanthu vovilongo.+
Mandyikaundapelwa novanthu nehei.+
44 Mavekenthavela mokonda vala yokweiva ava vanthyipulula.
Ononthunda-vilongo mavekeya kwaame nokuteketa.+
45 Ononthunda-vilongo mavakasoya.
Mavakatunda monomphangu mbavo mbokwapama tyiteketa.
46 Siovaa una omwenyo! Onkhanda yange+ ihivilikwe!
Huku yeyovo liange ankhimanekwe.+
47 Huku yotyotyili, ukondolela onondyale mbange.+
Upakula ovanthu kwaame.
48 Huku undyovola konondyale mbange mbanumana.
Ove unkhulameka vali ku vana vandwisa;+
Ove undyovola komulume ongangala.