Oviimbo
ל [Lamede]
10 Siovaa, oityi wakalela kokule?
Oityi uholamena pomivo viononkhumbi?+
2 Omunthu ondingavivi mokulipaka-ko kwae, umonesa emone epongo,+
Mahi makankhia mweevi apanga okulinga.+
3 Mokonda, omunthu ondingavivi ulimphandela motyipululu tyae,*+
Upeleyila oviwa wokuna elungavi.*
נ [Nune]
Utupu onthilo na Siovaa.
4 Mokulipaka-ko kwae, omunthu ondingavivi kaovolola natyike.
Omalusoke ae aeho o okuti vala: “Kutupu Huku.”+
6 Ulipopila momutima wae okuti: “Ame nii vala katutu himatenga-tenga.*
Mokweenda kwomakula atyo aeho,
Himamono ononkhumbi.”+
פ [Pe]
7 Komilungu viae kweyula ononkhano nounkhembi, nomahonga.+
Mombwelo yelaka liae mweyula ononkhumbi novivi.+
8 Uyolamena ovanthu ponthele yomaumbo.
Apa aholama wiipaela-po ou wehena etyi alinga.+
ע Ayine]
Omaiho ae ataindya ou maipaa.+
9 Ukevelela apa aholama ngonkheyama ili meleva liayo.+
Ukevelela akwate epongo.
Ukwata epongo tyina amanane owanda wae wokutela.+
11 Ulipopila momutima wae okuti: “Huku walimbwa-ko.+
Wetutyindamena.
Kamono-ale natyike.”+
ק [Kofe]
12 Katuka ove Siovaa.+ Huku yange katula okuvoko kwove.+
Wahalimbwe omapongo.+
13 Oityi ondingavivi yatombela Huku?
Ilipopila momutima okuti: “Ove kumamphulu-ale natyike.”
ר [Lese]
14 Mahi ove weete emone nononkhumbi.
Uvitala ovipake peke.+
ש [Shin]
16 Siovaa Ohamba ya apeho-apeho.+
Ovanthu vovilongo kombanda yohi vanyima-ko.+
ת [Tau]
17 Mahi ove Siovaa+ mokatehelela etyi onondalawa vaita.