Wahonekelwa Ova Hembeleu
12 Naina, mokonda tuli mokati kekaka olio enene lionombangi, noonthwe tulipolei omulemo auho, nonkhali yahasete-ale okutukuta-kuta,+ tuhatekei tyikoleleya umwe otyikambo etyi twapewa,+ 2 otyo tutala vala Kohongoi Onene, Omuviukisi weyumba-nthumbi lietu, Sesusi.+ Mokonda yehambu ankho apakelwa, akoleleya umwe pokwapakwa momuti wemone,* atyehemukundisa, apumphama ponthele potyipundi otyinene tya Huku, wahula kokulio.+ 3 Pahe, talelei popepi ou waliatelele-ko vala konondaka mbumuleva mbutunda movakwankhali+ ankho veli vala nokulinyona, opo onwe mwahaponwe, mwahayeke-ko.*+
4 Movilwa vienyi pokututumba nonkhali oyo, nkhele kamunelwe amuhiki umwe kokumomesa ohonde. 5 Onwe mwalimbwa-ko ku etyi mulongwa lwovana: “Mona wange, wahatombe onondunge mbutunda ku Siovaa,* nii wahanumane tyina uviyulwa nae; 6 mokonda Siovaa* uviyula ava ehole, mwene utiapa* ou atambula ati omona wange.”+
7 Onwe muna umwe okukoleleya mokonda omo muli nokuviyulilwa.*+ Huku uli umwe nokumuviyula tyokwati muvana vae. Ngwe kuna omona wahaviyulwa na he?+ 8 Mahi ine onwe amuho kamuviyulwa ngootyo, opo muvana vae vala vo ngootyo, kamuvana vae-ko mwene. 9 Ngwe tupu ovo tate yetu kohitu* ankho vetulonga, onthwe atuvelingi onthilo. Opo pahe katuvokutehela umwe vala ku Tate yetu momwenyo wopamphepo tumone omwenyo?+ 10 Ovo ngwe vetuviyula momuvo wehehi, okutala mwetyi tyeveviukila, mahi ou utuviyula tyokutuhandela ouwa opo noonthwe tulinge ovasukuki ngae.+ 11 Otyili, okuviyulwa katyipepela-po-ale, nkhele tyiihama;* mahi haa pahe, vokulongokela-ko atyiveetela otyinyango tyokuviukisa tyina ombembwa.
12 Naina pamekei omavoko ayendyelela, nonongolo mbayengenga,+ 13 apeho viukisei nawa apa paliata onomphai mbenyi,+ opo wokwalemana ahavilepo, mahi aveluke. 14 Taindyei ombembwa mulivile novanthu aveho,+ taindyei okusukuka,+ okwahalingi ngootyo nawike ukamona Tatekulu. 15 Talei umwe nawa pahakale nawike upumbwa okankhenda okanene ka Huku, pahatumbe omwii unyona una oukola, usilisa ovanyingi;+ 16 lungukei pwoonwe pahakale nawike otyihayo kokulihanda,* nii ou wahapande ovipuka vikola nga Isauu wakumanene ouveli wae notyilindo tyokulia.+ 17 Noonwe mutyii etyi tyakaendele konyima etyi pahe ankho esuka nokulinga omphinga yoviwa, ketavelelwe; namphila etyinamenene umwe, tyokutokesa umwe ononkhuka,+ ketyivilile* okupilulula etyi tyasokwa-le.*
18 Mokonda onwe kamwafwenene kotyipuka tyiyamwa+ tyakalele momutemo wotupia,+ no mekaka lianthikovela, no menthiki enene, momphepo onene,+ 19 konkhwino ihika,+ kondaka iivala okupopia,+ ei ovanthu vati etyi veiiva, aveliyave umwe otyinene avati yahapopie navo.+ 20 Otyitumino ankho kavetyivilile: “Notyinyama umwe vala okuyama-ko komphunda, tyityopwa nomamanya.”+ 21 Natyo ankho tyatilisa-le umwe owoma, Mwisesi ati: “Natila umwe owoma tyokuteketa.”+ 22 Mahi onwe mwafwena Komphunda Siyau,+ kepunda-umbo lya Huku una omwenyo, ko Selusalei+ yo keulu, kotyiumbe-umbe tyonoandyu* 23 mbuli meliongiyo enene,+ kewaneno lyo vokwahonekwa keulu, oviveli, mwafwena ku Huku Wokuteta Onomphela mba aveho,+ komwenyo wopamphepo wonondingaviwa+ vokwaviukiswa vehena vali onkhali,+ 24 ku Sesusi, omuhonyeki+ momphango omphe,+ kohonde yanyanywa, ipopia vali nawa kohonde ya Ambele.+
25 Lungukei mwahaanyei* amwahatehelela ou uli nokupopia. Mokonda ine kavahupile ava vaanyene avahatehelela ko wokuhikiya kovanthu pano pohi ondaka ilondola yatunda ku Huku, wati pahe onthwe onthwe matuhupu okwaanya atwahatehelela ou uli nokupopila keulu!+ 26 Pononthiki pana ondaka yae yahiñginyine ohi,+ mahi pahe ngwe wapopia wati: “Mandyipaleka-po vali, himatuñgunya vala ohi, mandyituñgunya umwe neulu.”+ 27 Ondaka oyo “mandyipaleka-po vali” ipopia okuhanya-ko ovipuka mavihiñginya, ovipuka viokwatungwa, ovipuka viokwahahiñginya ngavio visala-ko. 28 Naina, mokonda matutambula Ouhamba wehevilwa okuuhiñginya, twahatalemei kokutambula okankhenda okanene, okankhenda ketwaavela ombundi tulingile umwe omu tyahandelwa ovilinga vikola vya Huku nowoma, nonthilo onene. 29 Mokonda Huku yetu otupia tuyoka.+