Oviimbo
Ko wokutumbula-mo. Neilote.* Otyiimbo tya Ndaviti.
5 Tehelela-vo etyi ndyipopia Siovaa.+
Tehelela nawa tyina ndyikema.
2 Tehelela nawa tyina ndyuulula onkhwo unkhwateseko,
Mokonda, o kwoove ndyilikwambela Hamba yange, Huku yange.
3 Siovaa, komuhuka+ moivi ondaka yange.
Komuhuka mandyikupopila+ etyi tyinthokotesa omutima, pahe andyitale vala kwoove.
4 Mokonda ove Huku wokwahahambukilwa ovivi.+
Kutupu ondingavivi na ike ipondola okutwalako okukala noove.+
5 Nii omunthu womakamo kapondola okutwalako tyitai komutwe wove.
Siovaa uyele onongangala novanthu vomatutu.*+
7 Mahi ame mandyinyingila mondywo yove,+ mokonda yolwembia lwove olunene.+
Mandyilipetamena nonthilo onene, mandyilipetamena otyo napilukila kondywo yove ikola.*+
8 Siovaa nthyongolele mouviuki wove mokonda yonondyale mbange.
Mbiukisile-vo nawa ondyila yove.+
9 Mokonda etyi vapopia katyiyumbwa onthumbi.
Mokati kavo muna vala ovivi.
Omangongolivo avo alinga omaendo aikuka.
10 Mahi Huku mekevevela onombei.
Ovipuka vapanga mavikevetokesa.+
Vataatwe mokonda yononkhali mbavo ononyingi,
Mokonda vekutyitukila-po.
11 Mahi aveho vaholama mwoove mavakakala nehambu.+
Apeho mavakakwiilila tyokwahambukwa.
Ove mokeveyakulila,
Vana vehole enyina liove mavakahambukwa mokonda yove.
12 Mokonda ove Siovaa mokayamba ovaviuki.
Mokevelinga onkhenda. Mokeveyakulila ngondyakulilo onene.+