Susuwee
13 Susuwee pahe opo wakulupa umwe, waenda-ko umwe omanima omanyingi.+ Siovaa emupopila okuti: “Ove pahe wakulupa, omanima ove wakala-ko omanyingi, mahi nkhele muna ovilongo muna okulwisa opo mupinge-mo.* 2 Ovilongo viakamba-ko ovievi:+ Ovilongo viova Filisitiya no viova Sesule+ aviho, 3 (okuhimbikila komulola wo Nilu* koutundilo, motyilongo tyo* Isitu atee konondimbu mbatyo no Ekoloo, ofika yokwayemba kombanda veiti o yova Kanaa)+ novilongo vitano viatumininwe nova Filisitiya,+ okuti o Ngasa, o Asindonde,+ o Asikeloo,+ o Ngate,+ o Ekoloo,+ ofika yova Avii,+ 4 okutala kombanda. Otyilongo atyiho tyova Kanaa no Meala otyilongo tyova Sindone,+ no Afeke atee konondimbu mbavo nova Amoleu, 5 notyilongo tyova Sembale+ no Limbanu aiho, ofika yo koutundilo okuhimbikila ko Mbaale-Ngande atee mekolo Liomphunda yo Helemoo no Lembo-Hamate,*+ 6 aveho no vokukala mofika yonomphunda mbo Limbanu+ atee ko Misilefote-Maii+ no vo ko Sindone+ aveho. Mandyivetaata-mo* umwe otyo ova Isilayeli+ vatala. Ove una vala okutetaila ova Isilayeli ofika oyo, ngavo vapinga-mo ngeetyi nekutuma.+ 7 Ofika oyo itetaila vomihoko etyive na vamwe vomuhoko wa Manasesi.”+
8 Ovakwavo vomuhoko wa Manasesi no vomuhoko wa Lumbe no wa Ngande, vapewa-le ofika yavo koutundilo ina Mwisesi eveavelele himba lina o Solondau, ofika mwene vapelwe na Mwisesi omuundapi wa Siovaa:+ 9 Ofika oyo ihimbikila kepunda-umbo lyo Alowele+ liokwayendyamena Melola lyo* Alunoo,+ aikwata nepunda-umbo liokuli melola noluhandya* lwo Mendemba atee ko Ndimboo, 10 nomapunda-umbo aeho Siyoo Ohamba yova Amoleu atuminine, omapunda-umbo o Hesimboo, aikehikila apa paoyela ofika yova Amoo.+ 11 Tupu nofika yo Sileyande no yova Sesule, no yova Maakate,+ Nomphunda yo Helemoo, omphunda yatyo aiho nofika yo Mbasaa+ aiho atee ko Salekaa,+ 12 nofika aiho yo Mbasaa yatumininwe na Onge, watuminine o Asitalote no Endelei. (Onge wali umwe pova Lefaii vahupile-po.)+ Mwisesi wevelwisile evetaata-mo.*+ 13 Mahi ova Isilayeli kavataatele-mo*+ vokwatuka mu Sesule no vokwatuka mu Maakate. Sesule na Maakate na hono vakala nova Isilayeli.
14 Vahapelwe ofika, o vomuhoko wa Levii vala.+ Oviawa viokuyokwa vilingilwa Siovaa Huku yova Isilayeli ovio vapewa,+ etyi umwe vapopililwe.+
15 Vomuhoko wa Lumbe, Mwisesi wevepele ofika ituuka monombunga mbavo. 16 Ofika yavo yahimbikila kepunda-umbo lyo Alowele liayendyamena Melola lyo* Alunoo, aikakwata nepunda-umbo liokuli melola, aikehika moluhandya aluho lwo Mendemba 17 no Hesimboo, nomapunda-umbo+ atyo aeho okuli moluhandya no Ndimboo, no Mbamote-Mbaale no Mbete-Mbaale-Meoo,+ 18 no Saasi+ no Kendemote,+ no Mefaate+ 19 no Kiliyataii, no Simbima+ no Selete-Saale yo komphunda yomulola,* 20 no Mbete-Peole nonomphunda mbo Pisinga,+ no Mbete-Sesimote,+ 21 nomapunda-umbo aeho omoluhandya nonofika ambuho mbohamba Siyoo, Ohamba yova Amoleu yatumine mo Hesimboo.+ Mwisesi waipaele+ ohamba oyo, nonohongoi mbova Mindiyaa, okuti na Evi na Lekei, na Sule, na Huli na Lemba+ vatumininwe* na Siyoo wali motyilongo omo. 22 Pu ava ova Isilayeli vaipaele nomutunga pati na Mbalaau+ omutali,+ omona wa Mbeole. 23 Ofika yo vomuhoko wa Lumbe ihikila mo Solondau. Otyilongo otyo, otyo vomuhoko wa Lumbe vapelwe, ofika ituuka monombunga mbavo nomapunda-mbo, nonofika mbatyo.
24 Mwisesi tupu waavelele vomuhoko wa Ngande onofika mbutuuka monombunga mbavo. 25 Ofika yavo ihimbikila ko Sasele,+ ayeende atee komapunda-umbo aeho o Sileyande nofika imwe yotyilongo tyova Amoo,+ aikakwata ko Alowele otyilongo tyapilukila ko Lambaa.+ 26 Tupu ikaya umwe atee ko Hesimboo+ aikakwata ko Lamate-Misipa no ko Mbetonii, ayiende vali atee ko Maanaii+ aikehikila monondimbu mbavo no Ndembile. 27 Melola* omo muna o Mbete-Alaa no Mbete-Nila,+ no Sukote,+ no Safoo, nonofika mbumwe mbutuminwa nohamba Siyoo, Ohamba yo Hesimboo,+ aihikila mo Solondau kombwelo yelunga lyo Kinelete*+ kehimba lyo Solondau okutala koutundilo. 28 Ombo onofika mbapelwe vomuhoko wa Ngande monombunga mbavo, nomapunda-umbo atyo nonofika mbatyo.
29 Tupu Mwisesi waavelele vamwe vomuhoko wa Manasesi ofika vapinga, wevepele onofika mbutuuka monombunga mbavo.+ 30 Ofika yavo ihimbikila ko Maanaii+ aipolo-ko ofika aiho yo Mbasaa, ovilongo aviho viatumininwe na Onge Ohamba yo Mbasaa nonosandyala ambuho mba Saili+ mbuli mo Mbasaa. Vapelwe omapunda-umbo 60. 31 Ei ofika imwe yo Sileyande nofika yo Asitalote, no yo Endelei,+ omapunda-umbo otyilongo tyo Mbasaa atumininwe na Onge, ambulingi mbovana va Makili, Makili+ omona wa Manasesi. Mahi onofika ombo mbapelwe vala ovana vamwe va Makili, avembutetailwa.
32 Ombo, ombo onofika Mwisesi eveavelele etyi veli moluhandya lwo Moambe, himba lina o Solondau mofika yo Selikoo+ yokwahula koutundilo.
33 Mahi vomuhoko wa Levii, Mwisesi kevepele ofika.+ Ngwe vehulile ku Siovaa Huku yova Isilayeli ngeetyi vapopililwe.+