Etyi Tyahonekwa na Maluku
16 Etyi pahe Otyasapalo+ tyalamba, atyiti o Maliya Mandalena o Maliya+ ina ya Tiaku, o Salomee, avalande onombao vakawaveke olutu lwa Sesusi.+ 2 Tyee vala monthiki yo tete kosimanu* tyina ekumbi litunda, avaende kelangalo.+ 3 Otyo vaenda nokutomphola, vati: “Olie pahe meketupolela-ko emanya kombundi yelangalo?” 4 Etyi vayumba-ko omaiho, vakati-ko ñgaa kelangalo emanya liapolwa-ko, ngwe ankho emanya limwe enene.+ 5 Nyingilee melangalo liatyo pahe, vakati-ko ñgaa omukwendye umwe wavala ovikutu ovingonga upumphi, wevehula komakulio, avatumphuluka. 6 Ngwe eveti: “Mwahatilei owoma.+ Onwe muli nokwovola Sesusi omu Nasalee ou wapapelelwe momuti. Una wapindulwa-po-ale.+ Muno kemo. Talei, apa ankho vemulangekele opapa.+ 7 Onwe pahe endei kapopilei ovalongwa vae na Petulu muti: ‘Uli nokwenda, wapita-le komutwe waya noko Ngalileya,+ oko mamukemumonena, ngeetyi emupopilile.’”+ 8 Avalupuka-mo, avatundu-ko nokuhateka, mahi ankho vateketa, ankho tyevehuvisa unene. Avehetyipopi komunthu nawike, mokonda yokwatila owoma.*+