Sona
1 Siovaa wapopila Sona*+ omona wa Amitai okuti: 2 “Katuka, enda ko Ninive+ epunda-umbo enene, kevepopile okuti epunda-umbo malihanywa-po, mokonda ovivi viavo viehika kwaame.”
3 Mahi Sona aende ko Talisi, okwenda-nkholo Siovaa; alauka noko Sope, avasi-ko owato yenda ko Talisi. Afete anyingila mowato opo aye ko Talisi naava veli-mo, ende-nkholo Siovaa.
4 Siovaa aeta omphepo onene melunga, melunga amukala epuku-puku limwe enene, owato aihande okunyingila kohi. 5 Ovatahi vowato avatili unene owoma, avahimbika okuliyava kono-huku mbavo opo mbuvekwateseko. Avahimbika okuyumbahi ovityuma viali mowato opo ipepuke.+ Mahi ankho Sona waya no mombwelo omo akalangala, alala otyinkhankhula. 6 Onkhalamutwe yovatahi vowato, ayeende pwe aiti: “Ove ñgaa ulangi? Pinduka-po, likwambela ku huku yove! Hamwe Huku yotyotyili metulingi okankhenda etuyovola atuhankhi.”+
7 Aveliihana avati: “Endywei tutapese tutale+ olie wetwetela otyitateka etyi.” Avatapesa, Sona ngae upia.+ 8 Avemuti: “Tupopile mbambavo olie wetwetela otyitateka etyi? Ove ulinga otyilinga patyi, watunda-pi? Watunda kotyilongo patyi, vove ovalie?”
9 Ngwe ati: “Ame ndyimu Hembeleu ndyifenda Siovaa* Huku yo keulu, Una watunga elunga nohi yakukuta.”
10 Ovalume ovo avatili vali unene owoma, avemupulu okuti: “Ya walinga-tyi?” (Ovalume ovo avanoñgonoka okuti ukahi nokwenda-nkholo Siovaa, mokonda wevepopila-tyo.) 11 Avemupulu okuti: “Oityi tuna okukulinga opo elunga litule?” Epuku-puku melunga lili vali nokuvila-po. 12 Ngwe ati: “Nkhwatei ndyumbei melunga, elunga malitulu. Ame ndyityii okuti epuku-puku eli lieya kwoonwe kombanda yange.” 13 Ovalume ovo avalingi ononkhono mbokutahela owato koluhimba* mahi avehetyivili, mokonda epuku-puku melunga livila-po vala.
14 Pahe aveliyave ku Siovaa avati: “Siovaa mbambavo tuhankhie mokonda yomulume ou!* Wehetuvele onombei mokonda yononkhia mbomulume ou wehena etyi alinga, mokonda ove Siovaa walinga ngeetyi uhanda.” 15 Avakwate Sona avemuyumbu melunga, elunga alitulu. 16 Ovalume ovo avakala nonthilo onene na Siovaa,+ avalingi otyilikutila ku Siovaa, avati mavemulingila.
17 Siovaa atumu ombisi imwe onene opo inyine-po Sona, Sona akala meimo liombisi ovitenya vitatu novinthiki vitatu.+