147 Hilivikei Sah!
Otyiwa unene okuhilivika Huku yetu noviimbo,
Otyiwa unene okumuhivilika, oe umwe uhiwa okuhivilikwa!+
2 Siovaa uli nokutunga o Selusalei,+
Uli nokukongolola ova Isilayeli ankho vayandyaneswa.+
3 Huku uhakula vokuna omitima viateka-teka,
Ukuta-kuta nawa povipute viavo.
4 Ononthungululu umbuvalula umwe ambuho,
Ambuho umbutumbula omanyina.+
5 Tatekulu yetu omunene, una ononkhono ononene,+
Evi ei kavilifwe pano, kavieelekwa.+
6 Siovaa uyela-po ovanthu onondalawa,+
Mahi ava onondingavivi uveyumba pohi.
7 Pandulei Siovaa noviimbo.
Landulei motyisandyi amuhivilika Huku yetu noviimbo,
8 Huku wokuhika eulu aliho nomakaka,
Una ulokesa ombila opo italaleke eheke,+
Una umenesa eholi+ monomphunda.
9 Ovinyama uvipa okulia,+
Upa okulia omailona ekwaila tyina eliyava ondyala.+
10 Kahambukilwa ononkhono mbonkhambe,+
Nii omipindi viakola viomukwendye kavimutamphula-mo omutima.+
11 Mahi Siovaa uhole vokumutila,+
Uhole vokukevelela vala molwembia lwae olunene.+
12 Nkhimaneka Siovaa ove Selusalei.
Hilivika Huku yove ove Siyau.
13 Omakumba opomapito epunda-umbo liove, weekolesa vali,
Ape elao ovana vove vakala-mo.
14 Weeta ombembwa motyilongo tyove,+
Ekwavela otiliku yokukahi vali nawa ikutuuka umwe.+
15 Ngwe utuma otyitumino tyae keheke,
Ondaka yae aikatyatyala.
16 Utokesa ongandyi itwela ngomainya omangonga.+
Uhandula omakoko ongandyi atwela ngetwe.+
17 Utokesa omamanya ongandavila uti vala ovinyanya viombolo.+
Olie mahupu koutalala yeetelela?+
18 Utuma ondaka yae, omamanya ongandavila aasenguluka.
Weeta omphepo yae,+ omaande aahimbika okuhateka.
19 Uhikiya ondaka yae ku Sakoo,
Utolela Isilayeli ovitumino viae nonomphela mbae.+
20 Petupu vali ovanthu votyilongo natyike alinga ngootyo.+
Ovanthu ovo, konomphela mbae vetupu-ale etyi vei-ko.
Hilivikei Sah!+