Hambakuke
3 Elikwambelo omuuli Hambakuke alinga otyo eliyava:*
2 Siovaa, neiva etyi walingile.
Nahuva unene novilinga viove, Siovaa.
Mokweenda kwomanima,* vilinga vali!
Vilekesa vali mokweenda kwomanima.*
Uhalimbwe-ko okukala nokankhenda mononthiki mbononkhumbi.+
Ounene Wae waoya eulu aliho.+
Omunkhima wae waoya kombanda yohi aiho.
4 Okuliaima kwae ankho kukahi ngotyitei.+
Peke liae patunda onohanya,
Pana ankho paholama ononkhono mbae.
5 Komutwe wae ankho kuna omukihi,+
Monyima yae ankho ulandulwa nelema enene.
6 Nkhele atalama, ateketesa ohi.+
Atale kovanthu vovilongo, otyo atyiveteketesa.+
Onomphunda mba apeho ambuvambaulwa,
Ovipunda vyo kohale avitutuminywa pohi.+
Ombo, onondyila mbae tundee kohale.
7 Monohinge mba Kusaa namona-mo ononkhumbi.
Ovinyanga viomakaka otyilongo tyo Mindiyaa viateketa.+
8 Okuti Siovaa ove wanumanena onondongi?
Okuti wankhila onyengo onondongi?
Ine wanumanena elunga?+
9 Wakwata onkhondyi yove oiviukisa nawa opo uyahe nayo.
Omauta afwiikwa nawa opo alinge otyilinga tyao* ngeetyi tyaanwa. (Selaa)
Ohi weiteya nonondongi.
10 Etyi onomphunda mbekumona ambwihamenwa unene.+
Kwaloka ombila imwe onene.
Omaande okohi aaunu.+
Aayeluka unene peulu.
11 Ekumbi nohanyi avitalama meulu.+
Onohevo mbove ankho mbweenda ngotyitei.+
Eonga liove ankho lilaima unene ngomuliakulo.
12 Waenda ohi aiho nonyengo onene.
Wanumana oliata-liata* ovanthu vovilongo.
13 Wakatuka opo uyovole ovanthu vove na uyovole omulembulwa wove.
Wamiangaula omutumini* wondywo yonondingavivi.
Weihanya-po, okuhimbikila koluhi* atee koluhoka.* (Selaa)
14 Ove watiula omutwe womafwalali ae nomauta ae* mwene,
Pweetyi vekahi nokuya kwaame nononkhono ononene opo vanthyandyanese.
Ankho vahambukwa nekevelelo liokwipaela pokamphengi una waetesa-le onkhenda.
15 Ove wakwata melunga nononkhambe mbove,
Momaande okuna omanyonda omanene.
16 Etyi netyiiva andyilingi onthololo;*
Omilungu viange aviteketa etyi neiva onondaka ombo.
Omankhipa ange asosoloka;+
Ovikalo viange aviteketa.
Mahi mandyikevelela onthiki yononkhumbi nomutima watula,+
Mokonda mayeendela ava veli nokutulwisa.
17 Omukuyu nga wahateme vala,
Omiti vionouva aviahaimi vali;
Omundyambi nga wahaimi vala,
Nomomapia amwahayele vali ovikuna;
Nonongi vala motyinyongo okupwa-mo,
Omu movityunda* amwehesala vali onongombe;
18 No ngootyo vala, ame mandyihambukilwa unene mu Siovaa,
Mandyihele mokonda ya Huku omuyovoli wange.+
19 Tatekulu Siovaa Ohamba Onene, oe ononkhono mbange;+
Onomphai mbange membutyitula omakondyo ombambi,
Manthwala ponomphangu mbaya peulu.+
Ko wokutumbula-mo; novihumba viange.