Oviimbo
Omasikili.* Elikwambelo lya Ndaviti pweetyi ankho eli meleva.+
142 Ndyiliyava ku Siovaa nondaka yange opo ankhwateseko.+
Ndyiliyava ku Siovaa andinge-vo onkhenda.
2 Ndyiuyulila kotyipala tyae etyi tyanthokotesa omutima.
Ndyimutolela atyiho tyandyihama,+
3 Tyina nehena vali ononkhono.*
Ove uyunga nawa ondyila yange.+
Apa ndyikwata,
Vatela-po eliva ndyinkhie-mo.
Ndyitupu-ale oku nkhaholama.+
Nawike wesuka naame.
5 Ndyiliyava kwoove Siovaa unkhwateseko.
Ame ndyiti: “Ove, ove tyiholamo tyange,+
Omwoove vala neutoma, kombanda yeheke ndyitupu-ale vali nawike.”
6 Tyina ndyiliyava kwoove unkhwateseko nthehelele-vo,
Mokonda naetesa onkhenda.
Nthyukulule-vo ko vokundyeva,+
Mokonda vena vali ononkhono kwaame.
7 Mphole-vo mokalavoso omu,
Ndyihivilike enyina liove.
Vokulinga evi viaviuka veye-vo avandyongelela
Mokonda ove undinga onkhenda.