Amosi
8 Etyi, otyo Tatekulu Ohamba Onene Siovaa andekesa: Tala! Namona osesu ina ovinyango vyo pokwenye. 2 Amphulu, ati: “Oityi weete Amosi?” Ame andyiti: “Ndyilwete osesu ina ovinyango vyo pokwenye.” Siovaa amphopila okuti: “Onthyulilo yovanthu vange ova Isilayeli yehika-po. Himeveevela vali.”+ 3 Tatekulu Ohamba Onene Siovaa wati: ‘Oviimbo vyo mondywo ya Huku monthiki oyo,+ mavikakala viokuliyava. Otyilongo atyiho matyikeyula ovivimbi. Muti filuu!’+
4 Tehelelei onwe vokumonesa ononkhumbi ovahepi,
Vokuhanya ovanthu onondalawa veli motyilongo,+
5 Onwe vokuti: ‘Otyipito tyohanyi yaviala tyikapwa nalupi-ale naina,+ onthwe pahe twahanda okulandesa ovikuna vietu!
Otyasapalo+ tyikapwa nalupi-ale naina, onthwe pahe twahanda okukalandesa ovilia vietu?
Twende pahe tukaeleke movimbala ovitutu,
Atwiiti onombongo ononyingi,
Tukavakele kovipeyalo vietu.+
6 Pahe tutyivile okukumana nopalata una wesuka,
Ou omuhepi atumukumana nononkhaku onombali.+
Atulandesa eyungu.’*
Otyilongo atyiho kamatyikakala ngomaande ahateka o Nilu,
Kamatyilondeka atyilauka ngo Nilu yo ko Isitu?’+
9 Tatekulu Ohamba Onene Siovaa wati: ‘Monthiki omo,’
‘Ekumbi mandyikelinyingilisa komutenya,
Andyikaeta enthiki komutenya watokota.’+
Mandyikemuvaleka onosaku, andyikululisa omitwe aviho.
Mandyieta ononkhumbi, amuliyave ngo ou wankhisa omona wae wike vala ena-e.
Onthyulilo yovipuka ovio aviho, maikakala onthiki imwe yalula unene.’
11 Tatekulu Ohamba Onene Siovaa wati: ‘Tala! Makukeya ononthiki mbumwe,
Mandyikaeta ondyala kombanda yohi,
Handyala-ko yombolo, hahunga-ko yomeva,
Mahi oyokutehelela onondaka mba Siovaa.’+
12 Ovanthu mavakatanthauka, mavakatunda kelunga avaende kelunga ekwavo,
Mavakatunda kombanda avekehika koutundilo.
Mavakaovola ondaka ya Siovaa kombanda yohi aiho, mahi kavekeivasa.
13 Monthiki omo ovahikwena ovawa,
Novakwendye, mavakaambuka kombanda yohunga.
14 Vokuti pokwaana vatukaila onombei mba Samaliya,+ avati:
“Ove Ndaa, na huku yove umwe una omwenyo!”+
“Nondyila ya Mbelesemba umwe una omwenyo!”+
Mavakatoka avahakapindauka-po vali.’”+