Sofoniya
3 Epunda-umbo+ emphuki, liokwasila, limonesa ononkhumbi ovanthu valio mwene, ngongo yalio!
2 Kalitavela ondaka naike,+ tupu kalitavela okuviyulwa.+
Kaliayumbile onthumbi+ mu Siovaa, tupu kaliafwenene ku Huku yalio.+
3 Ovatumini vamo, ononkhulika mbukoma.+
Ovakoyesi vatyo, omahunyu okounthiki.
Nii vala kavasi-po enkhipa nalike opo vakokote komuhuka.
4 Ovauli vamo vetupu onthilo, ovayondyi.+
5 Siovaa omuviuki, uli mepunda-umbo omo.+ Ngwe kalingi etyi tyapenga.
Ononthiki ambuho komuhuka, uvenoñgonokesa onomphela mbae,+
Utyilinga apeho ngeetyi ekumbi liya apeho.
Mahi ondingavivi kaikundu.+
6 “Ame nahanya-ko ovanthu vovilongo, ovimato viavo viokwaya peulu viahanyauka-po.
Nahanyauna omatapalo avo, nawike vali ukwata-mo.
Omapunda-umbo avo ahanyauka, mutupu omunthu nawike, mutupu vali ou ukala-mo.+
7 Epunda-umbo eli nelipopilile okuti: ‘Tyotyili ove mokala nonthilo naame, otavela tyina ndyikuviyula.’*+
Ankho napopila ngootyo epunda-umbo olio, opo lihahanywe apa likala.+
Ame mandyikelikoyesa* mokonda yovipuka ovio aviho lilinga.
Mahi ngwe ankho vahanda vali unene okulipaka moumphulu.+
8 Siovaa wati: ‘Kevelelei vala* kwaame,+
Atee onthiki mandyikatuka opo ndyipunde ovipuka,*
Mokonda etyi nahanda okuwaneka ovanthu vovilongo, nokwongiya omauhamba,
Opo ndyiveuyulile onyengo yange, onyengo yange onene.+
Otupia twonduvia yange matuyoko-po ohi yatyo aiho.+
9 Pononthiki opo, mandyikapilulula elaka liovanthu, avapopi elaka liasukuka,
Opo aveho vetyivile okwivisa enyina lya Siovaa,
10 Ovana vovanthu vange vokwayandyaneswa, vana vokuliyava kwaame,
Mavakatunda konondongi mbo ko Etiopia, avandyietela otyiawa.+
11 Monthiki oyo, ove kumakakunda vali
Mokonda youmphuki walinga kwaame.+
Pokati kove mandyikapola-po vokuna elungavi, no vomalityindailo,
Ove kumakakala-kala vali nomalityindailo komphunda yange ikola.+
12 Madyikahupisa ovanthu vokulikondola koututu, no vokwapola pokati, avatwalako okukala pokati kove,+
Ngwe mavakaholama menyina lya Siovaa.
13 Vana mavahupu pova Isilayeli+ kamavakalinga etyi tyapenga,+
Kamavakakemba nii kamavakapopia omatutu.
14 Kwiilila nehambu mona omukainthu wa Siyau!
Kwiilila nehambu enene ove Isilayeli!+
Hambukwa nomutima wove auho, hela mona omukainthu wo Selusalei!+
15 Siovaa kamekukoyesa-koyesa vali.+
Onondyale mbove wembukondola.+
Siovaa Ohamba yo Isilayeli, ukahi pokati kove.+
Ove kumakakala-kala vali nononkhumbi.+
16 Monthiki oyo, o Selusalei maikapopilwa okuti:
“Wahakale nowoma ove Siyau.+
Wahayeke omavoko ove ayendyelele.
17 Siovaa Huku yove, uli pokati kove.+
Mekekuyovola mokonda una evililo.
Mekekuhambukilwa unene.+
Kamakapopia natyike* mokonda yolwembia lwae.
Mekekuhambukilwa akwiilila nehambu.
18 Mandyikaongiya vana vokwanumana mokonda yokuheile povipito viove.+
Ankho vekahi kokule noove,+ otyo vakwelwa mokonda yo Siyau.
19 Pononthiki mbatyo opo, mandyikakoyesa aveho ankho vekulinga onya.+
Mandyikayovola vokuteñgina,+
Andyikaongiya vana vokwayandyana.+
Ame mandyikevekalesa nomunkhima* avahilivikwa,
Movilongo viatyo aviho ankho viokuvekundisa.
20 Pononthiki opo, ame mandyikemwongiya,
Andyikemukondola motyilongo tyenyi.