Susuwee

22 Susuwee aihana vomuhoko wa Lumbe no vomuhoko wa Ngande, na vamwe vomuhoko wa Manasesi 2 eveti: “Onwe mwalinga atyiho Mwisesi omuundapi wa Siovaa emutumine,+ tupu mwetavela ondaka yange amulingi ovipuka aviho nemutuma.+ 3 Kamwayekele-po ava mulilandula navo, mwevekwata-po umwe atee hono,+ mwetavela ovitumino vya Siovaa Huku yenyi.+ 4 Pahe Siovaa Huku yenyi wapululukiswa-po ava mulikwai navo ngeetyi evepopilile.+ Onwe pahe mupondola okukondoka komakaka enyi motyilongo Mwisesi omuundapi wa Siovaa emwaavela, himba lina* o Solondau.+ 5 Mahi tavelei onondongwa Novitumino Mwisesi omuundapi wa Siovaa emwaavela,+ humbei Siovaa Huku yenyi,+ endelei monondyila mbae ambuho,+ tavelei onondongwa mbae,+ kakatelei mwe,+ nokumulingila+ nomutima wenyi auho nohande*+ yenyi aiho.”

6 Pahe Susuwee evepe elao avelilekela, ngwe avakondoka komakaka avo. 7 Vamwe po vomuhoko wa Manasesi, Mwisesi wevepele ofika mo Mbasaa,+ ava ovakwavo, Susuwee wevepele ofika koutakelo wo Solondau,+ popepi naava velikwai navo. Etyi Susuwee evepa elao avelilekela vakondoke komakaka avo, 8 evepopila okuti: “Kondokei komakaka enyi, tyindei olumono olunyingi novipako ovinyingi, nopalata, noolu, notyitasu, novivela novikutu ovinyingi-nyingi.+ Litepaulilei evi mwapunda+ konondyale mbenyi na vana mulikwai navo.”

9 Etyi vapopilwa ngootyo, vomuhoko wa Lumbe no vomuhoko wa Ngande, na vamwe po vomuhoko wa Manasesi, avasi-po ova Isilayeli vakwavo mo Silo motyilongo tyo Kanaa, avakondoka kotyilongo tyo Sileyande,+ kotyilongo vapewa opo tyikale tyavo, ngako vakakala ngeetyi Siovaa atumine Mwisesi.+ 10 Etyi vomuhoko wa Lumbe no vomuhoko wa Ngande, na vamwe po vomuhoko wa Manasesi vehika mofika yo Solondau motyilongo tyo Kanaa, avatungu omutala wovilikutila ponthele po Solondau, omutala umwe omunene. 11 Konyima, ova Isilayeli ovakwavo avetyiivi,+ avati: “Talei! Vomuhoko wa Lumbe no vomuhoko wa Ngande, na vamwe po vomuhoko wa Manasesi, vatunga omutala wovilikutila konondimbu mbotyilongo tyo Kanaa, mofika yo Solondau, ofika yova Isilayeli.” 12 Etyi ova Isilayeli ovo vetyiiva, aveho-aveho aveliongiya mo Silo+ vende-ko vekevelwise.

13 Ova Isilayeli avatumu Fineya+ omona womunakwa Eliyasale, ko vokwatuka mu Lumbe no vokwatuka mu Ngande, na vamwe vomuhoko wa Manasesi motyilongo tyo Sileyande, 14 avemutumu ende nonohongoi 10, vatunda-tunda momihoko aviho viova Isilayeli. Atyiti omu mwatunda ohongoi ike, omu mwatunda ohongoi ike, momihoko viova Isilayeli+ ovityita-novityita. 15 Etyi vehika ko vomuhoko wa Lumbe no vomuhoko wa Ngande, na vamwe po vomuhoko wa Manasesi motyilongo tyo Sileyande, avevepopila okuti:

16 “Ovanthu va Siovaa aveho vapula okuti: ‘Oityi otyo mwalinga?+ Oityi mwahatavelele ku Huku yova Isilayeli? Onwe pahe mwayeka-po okutavela Siovaa, otyo mwelitungilila omutala wovilikutila, amutyitukila-po Siovaa.+ 17 Onkhali twalingile ko Peole hanene-ale nkhele mupaleka vali? No hono katunekohwe konkhali ina, ngwe ovanthu aveho va Siovaa+ vamwene ovihuna. 18 Pahe ñgana onwe muhanda okuyeka-po okutavela Siovaa? Mutyii umwe okuti ine onwe mutyitukila-po Siovaa Huku, manumanena ova Isilayeli aveho!+ 19 Ine mwalinga tupu ngootyo omokonda otyilongo mwapewa tyasila, yaukei himba lina motyilongo tya Siovaa,+ omu mukala ekaka lya Siovaa,+ atukakala atuho. Mwahatyitukilei-po Siovaa nii mwehetukalesei onomphuki, amulitungila omutala wovilikutila, ngwe pena-le omutala wovilikutila wa Siovaa Huku yetu.+ 20 Etyi Akaa+ omona wa Selaa ehetavelele avake ovipuka vianakelwa okuhanywa, ova Isilayeli aveho kavamwene ononkhumbi?+ Namphila oe vala ankho walinga onkhali mahi hae-ko vala wankhile.’”+

21 Vomuhoko wa Lumbe no vomuhoko wa Ngande, na vamwe po vomuhoko wa Manasesi, avakumbulula onohongoi mbova Isilayeli, ova Isilayeli ankho vena ovityita-novityita+ avati: 22 “Huku omunene vali kono huku ambuho, o Siovaa!+ Huku omunene vali kono huku ambuho, o Siovaa! Mwene oe utyii, ova Isilayeli navo mavetyinoñgonoka. Ine twatyitukila-po Siovaa katwetavelele kwe, opo hono ahakale nokankhenda noonthwe. 23 Ine pahe naina twelitungila omutala wovilikutila, twayeka-po okutavela Siovaa, atulingila ovilikutila viokuyokwa noviawa viovilia, novilikutila viombembwa, opo Siovaa kametuyeke vala ngootyo.+ 24 Onthwe tweutunga tupu ‘okwasoka okuti hamwe kumbi haa, ovana venyi vapula ovana vetu okuti: “Oityi tyilekesa okuti onwe muvanthu va Siovaa Huku yova Isilayeli? 25 Ondimbu yetu noonwe o Solondau, oyo Siovaa apaka pokati ketu noonwe vomuhoko wa Lumbe no vomuhoko wa Ngande. Onwe kamulingi otyilinga natyike tya Siovaa.” Ovana venyi kamavakayeka ovana vetu vafende* Siovaa.’

26 “Otyo twatila ‘ngaliti pano, tuna okutunga omutala wetu wovilikutila, mahi hakuti owokulingila oviawa viokuyokwa novilikutila. 27 Twati vala tuutungei ulinge-vo ombangi yetu noonwe,+ haa aulingi ombangi yovana vetu* novana venyi. Tweutunga-vo vala okwati opo tuundape movilinga vya Siovaa, atumulingila oviawa viokuyokwa novilikutila viombembwa, novilikutila ovikwavo vali,+ opo ovana venyi haa vahapopie ovana vetu okuti: “Onwe kamulingi otyilinga natyike tya Siovaa.”’ 28 Etyi twasoka ngootyo atuti: ‘Ine haa vetupula ngootyo, hamwe haa avapulu ovana vetu, opo haa vakumbululwa okuti: “Mweete omutala ou wa Siovaa wovilikutila, ovakwaukulu vetu veutungile. Ou ha wokulingila oviawa viokuyokwa nii ha wovilikutila, mahi walinga ombangi yetu noonwe.”’ 29 Vanthu vetu, onthwe katwaanye-ale Siovaa, katuyeke-po Siovaa+ atukelitungila omutala wokulingila oviawa viokuyokwa noviawa viovilia, novilikutila, ngwe pena-le omutala wovilikutila wa Siovaa Huku yetu, uli pekaka liae!”+

30 Omunakwa Fineya nonohongoi mbova Isilayeli, ova Isilayeli ovityita-novityita* okweiva otyo tyapopia vomuhoko wa Lumbe no vomuhoko wa Ngande, no vomuhoko wa Manasesi, avakululuka umwe.+ 31 Pahe omunakwa Fineya omona wa Eliyasale, apopila vomuhoko wa Lumbe no vomuhoko wa Ngande, no vomuhoko wa Manasesi ati: “Hono twetyimona okuti Siovaa uli pokati ketu noonwe, mokonda onwe kamwayekele-po Siovaa. Mwayovola ova Isilayeli peke lya Siovaa.”

32 Omunakwa Fineya omona wa Eliyasale nonohongoi mbova Isilayeli, avelilekela no vomuhoko wa Lumbe no vomuhoko wa Ngande, avakatuka kotyilongo tyo Sileyande avakondoka ko Kanaa, avatwala ondaka kova Isilayeli vakwavo. 33 Etyi vetyiiva, avakululuka. Ova Isilayeli avahivilika Huku, ngapo umwe vetyihula opo tyokuhanda okukalwisa vomuhoko wa Lumbe no vomuhoko wa Ngande, avahahanye-po otyilongo tyavo.

34 Vomuhoko wa Lumbe no vomuhoko wa Ngande, omutala oo wovilikutila* aveuluku enyina, mokonda “walinga ombangi yetu noonwe, tyilekesa okuti Siovaa oe o Huku yotyotyili.”