Oviimbo
Oko wokutumbula-mo. Otyiimbo tya Ndaviti.
140 Nthyukulule-vo kovanthu vokulinga ovivi Siovaa.
Ndyamene-vo kovalume ovakalavi,+
2 Ndyakulile ku vana vokupanga+ okulinga ovivi
Ku vana vokuti apa veli onondyaya vala onthiki aiho.
4 Ndyakulile-vo Siovaa, ndyakulile-vo komavoko onondingavivi.+
Nthyukulule kovalume ovakalavi,
Vokuhanda okunthela eliva.
5 Vokulipaka-ko vanthela eliva,
Vatela otyisandaila monondyila ndyienda.+
Vakalela vala okunthela eliva.+ (Selaa)
6 Ame natolela Siovaa nati: “Ove, ove Huku yange.
Nthehelele-vo Siovaa, nthehelele-vo tyina ndyiliyava kwoove unkhwateseko.”+
7 Tatekulu Ohamba Onene Siovaa, Muyovoli wange omunene,
Ove uyakulila omutwe wange monthiki yovilwa.+
8 Siovaa, etyi onondingavivi vapeleya wehetyilinge.
Wahayeke etyi vapanga tyiende nawa, opo vehelipake-ko.+ (Selaa)
9 Omitwe vya vana vandyumbilila-ko,
Vipwile movivi vapopia nomilungu viavo.+
10 Vatyukumuninwe omakala atokota.+
11 Wokutendeleya ahamone apa akala kombanda yohi.*+
Ovivi vikalele vala ovalume onondingavivi atee vivehanyauna-ko.
12 Ame ndyityii okuti Siovaa mayakulila omapongo
Kamalingi okapungulula vana vehena-tyo.+
13 Vokulinga etyi tyaviuka tyotyili mavakapandula enyina liove.
Ava vokuviukisa mavakakala-kala kotyipala tyove.+