OTYIIMBO TYA SALOMAU
1 Otyiimbo tya Salomau, otyiimbo tyimwe otyiwa.*+
2 “Nthyipe ombesu, nthyipe ombesu nomulungu wove,
Otyipuka unthyole tyimphepela-po, tyipepa vali kovinyu.+
Enyina liove linikila nawa, uti vala okamulela kena apa kanengukila.+
Otyo ovafikwena vekuholelele.
4 Wahanthye-po twende atuho,* tukahateke.
Ohamba yandyeta mondywo yayo, ainthwala koluhinyi!
Onthwe tuhambukwe, ame ove ndyihole.
Ove unthyole, evi ulinga tuvipopie,* soka evi ulinga vipepa, vipepa vali kovinyu.
Hanthupu ovafikwena vekuhole!
5 Vahikwena vo mo Selusalei, ame nanthikovela vala, mahi ndyimuwa,
Ndyimuwa ngonohinge mbo ko Kendale,+ nafwa ovinyanga+ vyo konohinge mba Salomau.
6 Mwahanthalei vala etyi nanthikovela apa ñgana,
Tyandinga ñgaa omutenya vala.
Onomphange mbange* vanumana.
Vanthumine ndyikayunge omapia omiti vionouva,
Mahi ame kepia liange liomiti vionouva, anahai-ko.
Ntholele-vo vala nahakakuve-kuve vala ngomukai welihika motyipala nelesu*
Nahakakuve-kuve vala pokati konongi mba vakwenyi.”
8 “Ove muwa wange, ove umuwa vali kovafikwena aveho,
Ine kukwii, landula momakondyo onongi,
Ovikombo viove vitwala no konohinge mbovanthita ngako ukalisila.”
9 “Muwa wange, okukutala uti onkhambe oina pokati komatemba a Falaoo.*+
10 Omulami uhiwiswa otyipala tyove,*
Okupaka ovilanda pomunyino, okuhiwa kwatyo no oviale.
11 Onthwe matukuvaleka omilami vioolu,
Oolu yahonya nopalata.”
12 “Na tyina ohamba ipumphi maili,
Ikatehela ombao yange iivala okunika.+
13 Muwa wange, ove umbinga yange yombao yomila,+
Ombinga ndyilaleka pokati komavele ange.
15 “Watalele, ove umuwa, umuwa muhikwena wange ndyihole!
Ove umulenga, womaiho opomba.”+
16 “Ame nkhuhole muwa, ove umuwa mukwendye wange. Ove untheya omutima!+
Oula wetu, uli apa payova nawa.
17 Omitalekwa viondywo yetu,* omisendulu,
Oluhoka lwatyo, omingalaviya.
2 “Ame, ame nthemo yo asafalau* vala, onthemo yomoluhandya kongengeso yelunga,
Ame nthemo yo momalola.”+
2 “Omuwa wange okukala pokati ka vahikwena vakwavo, oe omuwa vali,
Uti vala onthemo ili momikete.”
3 “Omuwa wange okukala pokati ka vakwendye vakwavo, oe vala omulenga,
Uti vala omupelu uli motyiteta.
Ndyipeleya umwe okupumphama mokahi katyo.
Otyinyango tyatyo tyipepa unene kelaka liange.
4 Ngwe wanthwaile motyipito,*
Aveho avetyimono umwe okuti, ame vala ehole.
5 Mphei omungome wapakwa onouva mbakukuta,+
Mphei omapelu,
Otyiivaluko tyili nokundia, neivaluka omunthu ndyihole.
6 Watentheka okumbili kwae komutwe wange,
Wankhwata nokulio kwae.+
Mwahanthyindei ndyihande omukwendye, mwene tyiye atyike komutima wange.+
8 Ou ndyihole wiivala okuya!
Mumweete! Oyoo uya,
Oyoo ukakasa nonomphunda, oyoo ulombauka movipunda omo.
9 Omuwa wange wafwa omenye, uti vala otyiketa tyomphundya.+
Oyoo oko, uli molukaka lwondywo yetu,
Uli nokuvendamaina ponondyanena,
Ulengailila pomanthiwi.
10 Omulenga wange wati:
‘Katuka muwa wange,
Katuka twende muwa wange.
11 Tala! Ombila* pahe yapita.
Ombila yatya, yatya-ko.
12 Ofika aiho ovifo pahe viatema,+
Matyihimbika pahe tyokulombolola omiti,+
Monohika omo, pahe ovikuti-mbowela viivala okupopia.+
13 Omikuyu viokutetekela okwiima, viapia-le.+
Omiti vionouva pahe viatema, ononthemo mbatyo mbwiivala okunika nawa.
Katuka muhikwena wange ndyihole, twende.
Endyu twende muwa wange.
14 Ove upomba yange, wafwa opomba ili mononkhanda,+
Ili momakolo onomphunda,
Endyu nkhutale, endyu ndyiive ondaka yove,+
Ondaka yove ongwa ndyiihole, otyipala tyove otyiwa.’”+
15 “Ketukwatelei olunga,
Ovina viatyo, vili nokunyona omapia omiti vionouva,
Vili nokunyona omapia etu omiti vionouva ngwe viatema.”
16 “Omukwendye wange, owange mwene, ame ndyi-wae.+
Ngwe ulisila+ mohika yononthemo.+
17 Endyu tyina nkhele omphepo yehenefile,* tyina otyihi tyeheneende,
Endyu liwa wahakaseteko muwa wange,
Topoka lwomenye,+ hateka monomphunda+ mbatyika pokati ketu,* hateka lwotyiketa tyomphundya.
Nemwovolele, anehemuvasi.+
2 Mandyipinduka-po, ndyikemwoovole mepunda-umbo
Ndyikemutale momatapalo, no ponopalasa.
Ndyikaovole ou ndyihole.*
Nemwovola, hemuvasile.
3 Nahonyena novayungi vepunda-mbo. Andyivepulu andyiti:+
‘Kamwamwene-ale omuwa wange ndyihole?’*
4 Neveti vala lambee,
Ndyikati ñgana, omuwa wange ndyihole* oyou.
Andyimukakatela, anehemuyeke,
Andyimutwala meumbo lya mee.+
Andyimunyingiya meumbo lya una wokwankhutula.
5 Ame ndyimuti anei, vahikwena vo mo Selusalei,
Tukailei onomphundya mohika, tukailei ononkhonkha:
Mwahanthyindei ndyihande omukwendye, mwene tyiye atyike komutima wange.”+
6 “Otyipuka tyina tyikatuka omukundu-kundu moluhandya tyilinga ngomwihi, otyityi,
Tyiivala okwanika nawa ngootyo ngombao yomila no yolimbanu,
Tyiivala okwanika onombao vehole okulandesa?”+
7 “Kamutalei vakwe! Naina hatyipundi tya Salomau.
Tyaongelelwa novalume 60,
Ovalume vamwe ova Isilayeli vatunda povakwa-vita.+
8 Aveho vamaneka omitunga,
Aveho valongeswa, vetyivila okulwa,
Tyati umwe ou wamaneka omutunga wae, ou wamaneka wae,
Vamaneka, kounthiki vemuyakulile.”
10 Onomphandyi mbatyo, o mbopalata,
Omu tyiliyekelwa omu, tyalingwa noolu.
Apa tyipumphamenwa, tyatungwa nomulinya wotyivala tyonkhula.
Mokati tyahiwaiswa nawa, tyehiwa,
Vahiwiswa-mo ovahikwena vo mo Selusalei.”
11 “Endei vahikwena vo mo Siyau,
Endei katalei vala Ohamba Salomau,
Wavala otyuuya tyononthemo,* otyuuya alingilwa na ina,+
Otyuuya alingilwa onthiki anepa,
Onthiki omutima wae wahambukilwe.”
4 “Watalele, ove umuwa, umuwa muhikwena wange ndyihole!
Tala! Ove umulenga.
Omaiho ove uti omaiho opomba tyina welihika ñgana motyipala nelesu.
Ombu onohuki mbove, uti vala otyihaa tyovinkhombo,
Uti vala ovinkhombo vitunda monomphunda mbo Sileyande.+
2 Omayo ove omawa atwela, uti vala onongi mbakululwa pahe omainya,
Onongi mbakohwa pahe,
Onongi mbatyita oviketa vivali-vivali,
Naike yankhisa otyiketa tyayo.
3 Omilungu viove viakuhuka nawa, uti vala ongoi onkhuhu,
Ondaka yove ongwa, ndyiihole.
Elesu lihiwiswa otyipala tyove,
Omapanda ove uti vala ovimbembu vye lomaa.*
4 Omunyino wove waviuka,+ uti vala otyimato tyaya peulu, otyimato tya Ndaviti,+
Otyimato tyatungwa nawa nomamanya,
Mwayendyeleswa onondyakulilo 1000,
Onondyakulilo ambuho mbokwaenda elola, onondyakulilo mbovakwa-vita.+
5 Omavele ove, uti vala oviketa viombambi,
Uti vala oviketa viomenye viatyitwa vivali,+
Vinyanga-nyanga pokati kononthemo.”
6 “Endyu tyina nkhele omphepo yehenefile,* tyina otyihi tyeheneende,
Ame nkhele mandyeende komphunda yombao yomila,
Mandyeende no kotyipunda tyolimbanu.”+
8 Nkhelo twende, kuno ko Limbanu tutunde-ko,
Twende, kuno ko Limbanu+ tutunde-ko.
Pokatanga-tanga komphunda yo Amana* tunda-po endyu,
Pokatanga-tanga komphunda yo Senile, pokatanga-tanga komphunda yo Helemoo,+
Tunda-mo momaleva ononkhulika, tunda-mo monomphunda mbononkhapi.
9 Nkhelo, ove wantheya omutima, wantheya omutima+ mphange yange,
Wanthala vala ñgaa, ontheye umwe omutima,
Wantheya omutima notyipapa tyike vala tyotyilanda tyove.
10 Ovipuka undinga oviwa, ove unthyole umwe, unthyole mphange yange,+ unthyole nkhelo!
Otyipuka unthyole tyimphepela-po, tyipepa vali kovinyu.+
Omulela uwava unika nawa, unika vali nawa konombao ambuho.+
11 Nkhelo, omilungu viove vimoma owiki woviteme.+
Kelaka liove kuna owiki, kuna omahini,+
Ovikutu viove vinika nawa, vinika nawa uti vala ohika yo Limbanu.
12 Omphange yange, omukainthu wange, wafwa epia liahondywa,
Wafwa epia liahondywa no potyimphana apayeilwa, wafwa otyihila tyahondywa.
13 Ove wafwa omiti omilomaa viaima umwe viayemba,*
Wafwa epia lieyula ovinyango viokupepa kwatyo, wafwa epia lieyula o hena, no nardu,
14 Lieyula o nardu,+ nononthemo mbo moluhandya, nokalamu,*+ no kanela,+
Lieyula omiti aviho viokutunda olimbanu, nomila, nomandombo,+
Lieyula omiti viokunika nawa.+
15 Ove undyivi-ndyivi, ove ulekala epia, ove unyombo yomeva apepa,
Ove wafwa omeva atunda ko Limbanu.+
16 Pahuka, pahuka mphepo yo kombanda.
Nyingila mphepo yo kombwelo.
Nyingila mepia liange, nkhele oti-mo felelee,
Mukatuke okamuniko okawa kahanduke nohika.”
“Omukwendye wange ndyihole, anyingile mepia liae,
Anyingile alie ovinyango, ovinyango viokupepa kwatyo.”
5 “Nanyingilile motyitaka tyange,+
Nanyingilile-mo mphange yange, tyitumphwa tyange.
Nanyingilile-mo andyipolo-mo onombao mbange,+
Andyili owiki wange moviteme, andyili owiki wange.
Andyinu ovinyu yange, andyipwene omahini ange.”+
“Liei, mapanga ange!
Nwei, nwei mukolwe noviwa vya ava velihole!”+
2 “Ame ndyilele, mahi omutima watyo ututumba vala.+
Omukwendye wange ndyihole wiivala okutotola pepito!”
“Ndyelule, ndyelule mphange yange, muwa wange,
Ndyelule muhikwena wange omuwa, pomba yehena otyinthembia!
Ndyelule, omutwe wange wepwila meyombo,
Onohuki mbange mbatalala, mbatalalekwa nounyenya wo kounthiki.”+
3 “‘Ekapote nelilula-mo-ale,
Nkhele ndyilivala vali?
Nelikoha-le konomphai,
Nkhele ndyiliata vali pohi ndyisile?’
4 Omukwendye wange ndyihole, wapola okuvoko kwae pemphana pepito.
Pahe omutima wange auhimbika okulumpha-lumpha-mo.
5 Andyipinduka-po-vo ndyikaikule omukwendye wange ndyihole.
Omavoko ange amoma omila,*
Ominwe viange viamoma omulela womila,
Viamomena umwe potyikwatelo tyepito.
6 Andyiikula epito, omukwendye wange anyingile,
Mahi nkhati vala ñgana, omulenga wange kepo, kepo wapita-le.
Tala, atyindyihama omapita.*
Ankhaovola, anehemuvasi.+
Andyiihana, ehenthavela.
7 Andyihonyena novayungi vepunda-umbo.
Avambete unene, andyipwila movipute.
Ou omulele wange aveumpholo.*
8 Ame ndyimuti anei, vahikwena vo mo Selusalei.
Nga mwavasa omulenga wange,
Mupopilei muti: Otyiivaluko tyili nokundia, neivaluka omunthu ndyihole.”
9 “Oityi utila omunthu wove uhole omuwa vali ku vakwendye vakwavo,
Oityi upopila ngootyo ove muhikwena omuwa vali pu vakwenyi?
Oityi utila omunthu wove uhole omuwa vali ku vakwendye vakwavo,
Soka pahe ututwala umwe kokwaana?”
10 “Omukwendye wange, omulenga, omumbambi.
Povanthu vena onomili 10, oe vala umoneka-po.
11 Omutwe wae, oolu, oolu yakangulwa nawa.
Onohuki mbae mbuyemba-yemba, mbuyemba-yemba uti vala onompha mbomundende,*
Onohuki mbae mbunthikovela nawa uti vala ekwaila.
12 Omaiho ae omawa, uti vala omaiho opomba ili pomeva aenda,
Uti vala omaiho opomba iyoa momahini,
Iti yoe-yoe pahe aikayotela kehimba, ketala lieyula omeva.*
13 Omapanda ae, uti opapa patyopelwa ombao,+
Ekahi ngounthumbo wombao yokunika nawa.
Omilungu viae, uti ononthemo, vimoma omulela womila.+
14 Ominwe vyo komavoko ae oolu, uti oolu yahonya nomamanya o kilisolitu.
Eli eimo liae eyo liondyamba liasolwa nawa, liamatwa-matwa omamanya osafila.
15 Ovikalo viae, uti onomphandyi mbomamanya ahongwa nawa, mbapumphama koolu yakangulwa nawa.
Olupe lwae, uti o Limbanu, utupu ou aelekwa nae, omuwa uti vala omusendulu.+
Omukwendye wange ndyihole omuwa, tyiivei vahikwena vo mo Selusalei.”
6 “Omukwendye wove uli-pi,
Uli-pi wove muhikwena omuwa vali ku vakwenyi?
Omuwa wove waviuka-pi?
Twende tukemwoovole.”
2 “Omukwendye wange, walauka no kotyitaka tyae,
Waya komiti viae viombao yombasamu,
Waya wakalisila pokati kovitaka,
Otyo alisa otyo atokola ononthemo.+
3 Omukwendye wange, mwene owange,
Ame ndyi-womukwendye wange.+
Ulisila mohika yononthemo.”+
4 “Muhikwena wange ndyihole,+ ove umuwa ngo Tilisa,*+
Ove umuwa ngo Selusalei,+
Wehiwa, wehiwa umwe ngovita viliseta nomapandela vikalwa.+
5 Hihande ñgeno unthala,+
Omaiho ove, antheya omutima.
Onohuki mbove uti vala otyihaa tyonongi onoina,
Onongi mbulauka momilu vyo Sileyande.+
6 Omayo ove omawa atwela, uti vala onongi,
Onongi mbakohwa pahe,
Onongi mbatyita oviketa vivali-vivali,
Naike yankhisa otyiketa tyayo.
7 Elesu lihiwisa otyipala tyove,
Omapanda ove uti vala ovimbembu vye lomaa.
8 Ngakuka-kala ononkhai-hamba 60,
Akukala ovakai 80, ononthawa,
Hamwe akukala ovahikwena ovanyingi-nyingi,+
9 Mahi wike vala opomba,+ oe vala wehena otyinthembia.
Ina oe vala atyita,
Ina oe vala ehole.*
Ava ovahikwena okumumona vemuti: Wehambu.
Ononkhai-hamba, nononthawa, vemunkhimaneka.
10 ‘Olie una ulaima,* ulaima ngatyina ngo kounthiki kuna omwii,
Omuwa ngohanyi yaoya,
Wasukuka ngotyimimi tyekumbi,
Wehiwa ngovita viliseta nomapandela vienda movilwa?’”+
11 “Naile kotyiteta tyomiti ominongela,+
Nakatalele ovifo vyo melola,*
Nakatalele etyi omuti wonouva wapapula,*
Nakatalele etyi omilomaa viatema.
12 Nakati vala ñgana,
Etyi nahandele-vo tyokukatala ovipuka ovio tyanthwala,
Tyanthwala pomatemba ovanthu vankhimana* votyilongo tyange.”
13 “Kondoka, kondoka kuno Sulamita!
Kondoka, kondoka,
Kondoka twahanda tukutale!”
“Oityi muhuvila tyina mutala Sulamita?”+
“Ngwe wafwa otyiimbo tyinyanwa mononthanda onombali!”*
7 “Tala onomphai mbomuhikwena omuwa mbuli mononkhaku,
Muhikwena omuwa, omulenga!
Ovitumbo viove, uti vala vialingilwa omahiwe,
Viakwata pomavoko onkhulungu.
2 Onkhopa yove, ikahi ngokopo yavolongwa nawa,
Okopo yahakambe ovinyu yanyungwa nawa.
Eimo liove ewa, uti vala onthumbo yotiliku,
Onthumbo yotiliku ili pokati kononthemo.
3 Omavele ove, uti vala oviketa viombambi vivali,
Uti vala oviketa viomenye viatyitwa vivali.+
4 Omunyino wove,+ uti otyimato tyomayo ondyamba,+
Eli eyulu liove, liafwa otyimato tyo ko Limbanu,
Otyimato tyapilukila ko Ndamasiku.
Ohamba okumona vala onohuki mbove mbuyemba-yemba, kayeende vali.*
6 Ove umuwa, uteya omutima,
Mukainthu wange, ove umuwa vali kovipuka aviho oviwa!
7 Ove wakaviuka ngomundende,
Omavele ove, uti vala otyimpha tyovinyango viomulunga.+
8 Ame nati: ‘Mandyilondo komundende,
Nkhanyange-ko ovinyango.’
Omavele ove, akale ngotyimpha tyonouva,
Momulungu wove munike nawa, munike ngomapelu,
9 Munike* nawa, ngovinyu yokupepa vali.”
“Omukwendye wange imukuluke nawa,
Ikasese nawa komilungu, aipe ovanthu olumphoki.
10 Ame, ndyi-womukwendye wange,+
Ame vala ahanda.
12 Tupinduke-po komuhuka-huka, twende kepia liomiti vionouva,
Tukatale ankho omiti vionouva viapapula,*
Tukatale ankho viatema,+
Tukatale ankho omilomaa viatema.+
Oko moketyimonena oko okuti ndyikuhole.+
Ovinyango viokwakukuta, no viokwatalala.
Ove nevipakela, ove mukwendye wange.
8 “Ñgeno wali-vo vala omphange yange,
Ñgeno wanyamine kevele lya mee!
Okukuvasa kondye oko, ñgeno oko umwe nekuhipila ombesu,+
Ñgeno nekuhipa umwe ombesu apahamono nawike umphenya.
Ame ñgeno nekwaavela ovinyu yanika nawa unwe,
Ñgeno nekwaavela ombulunga yomalomaa.
3 Okumbili kwae, ñgeno wekutentheka komutwe wange,
Ankhwata nokulio kwae.+
4 Ame ndyimuti anei, vahikwena vo mo Selusalei.
Mwahanthyindei ndyihande omukwendye, mwene tyiye atyike komutima wange.”+
5 “Olie una uya ngatyina, utundilila moluhandya,
Weliyeka momukwendye wae?”
“Ame nekupahula-po etyi ankho walalela mombwelo yomupelu.
Omo mee yove ekukutulilile, omo eivilile omalwihamo okukutula.
Omo mee yove ekukutulilile, omo eivilile onongembia mbokukutula.
6 Mphake-vo komutima wove, ndyikale-ko-vo ngotyilimbo,
Ndyikale-vo onombai kokuvoko kwove,
Etyi tyokulihole tyafwa ononkhia, katyivilwa,+
Ou wahopapo umwe tyili umukakatela, kumuyeke umwe lwo Kondyembo.*
Pokulihole pena omutemo utokota, omutemo wotupia twa Sah.*+
Omulume ngapesaika umwe kovipuka viae meumbo, kesuku-ale,
Kesuku-ale uhula vala kou umuhole.”*
8 “Mahi onthwe tuna omphange yetu,+
Omukainthu nkhele wehenetumbe omavele.
Pahe haa matumulingi ñgeni,
Matumulingi ñgeni kumbi eya pokunepwa?”
9 “Ine ukala-vo vala otyimato,
Opo matutungu vali kombanda yae otyimato tyopalata tyiti monthulo.
Ine ukala epito,
Matulipake omphilikihi yomusendulu.”
10 “Ame ndyityimato,
Omavele ange afwa omatala ovayungi.
Ongootyo ndyikahi komukwendye wange,
Tyina ngwe anthala, ame navasa ombembwa.
11 Salomau wali nepia liomiti vionouva+ ko Mbaale-Hamo.
Apake-mo ovanthu velilime.
Ankho tyiti umwe ou umufeta onopalata 1000, ou umufeta onopalata 1000.
12 Ame ndyina-le epia liange liomiti vionouva.
Onopalata ombo 1000 mbulinge mwene mbove* Salomau,
Onopalata ombo 200, mbulinge mbovayungi vomiti viove.”
13 “Ove wokukala movitaka,+
Omapanga ange, veive vala ondaka yove.
Naame, ndyiive-vo ondaka yove.”+
14 “Hateka mukwendye wange,
Topoka lwomenye,+
Monomphunda mbonombao, hateka,
Hateka lwotyiketa tyomphundya.”
Ine, “otyiimbo tyoviimbo.”
Melaka Liokonthuko: “Nkhoke monyima yove.”
Ine, “tuvihipulule.”
Melaka Liokonthuko: “Ovana va mee.”
Ine, “nelesu liokwalula.”
Ine, “ukahi ngonkhambe yange oina.”
Ine hamwe, “ove okuvindwa otyipala tyove tyihiwa.”
O hena, otyifo tyimwe tyikala nononthemo onongwa.
Ine, “viondywo yetu onene.”
Otyifo tyimwe tyikala momaluhandya tyina omatindi.
Melaka Liokonthuko: “Mondywo yovinyu.”
Ine, “outalala.”
Melaka Liokonthuko: “Onthiki ihenefime.”
Ine hamwe, “monomphunda mbelivambuka.” Ine, “monomphunda mbo ko Mbetele.”
Ine, “ohande yange ihole.”
Ine, “ohande yange ihole.”
Ine, “ohande yange ihole.”
Ine, “ohande yange ihole.”
Otyipundi tyimwe tyatungilwa okahi, ankho tyityindwa omunthu wankhimana.
Ine, “omulami vokunepa no vokunepwa vavala.”
Ine, “epungu liovindele.”
Melaka Liokonthuko: “Onthiki ihenefime.”
Ine, “Andi-Limbanu.”
Ine hamwe, “otyikova tyove, tyikahi.”
Otyipuka tyimwe tyikahi ngomanyenga, tyinika nawa.
Ine, “mirra.” Omulela umwe ulingwa nomaka omiti.
Ine, “ohande yange ainthundu.” Ine hamwe, “Etyi apopia, ohande yange ainthundu.”
Ine, “elesu liange avelimpholo.”
Ine hamwe, “ngompha yovinyango viotyikumba.”
Ine hamwe, “ponthele yondyivi-ndyivi.”
Melaka Liokonthuko: “Momulungu wae muhoholola.”
Ine, “Ngepunda-umbo Lihambukiswa.”
Melaka Liokonthuko: “Ko wokwemukutula, oe vala wasukuka.”
Melaka Liokonthuko: “Utala mombwelo.”
Ine, “meleva.”
Ine, “nokuyova.”
Ine, “vokwafwapo.”
Ine, “ngotyiimbo tyo Mahanaii.”
Melaka Liokonthuko: “Omutwe wove.”
Ine, “ipumphama pohi.”
Melaka Liokonthuko: “Mupepe.”
Melaka Liokonthuko: “Kovinkhondo vyo hena.”
Ine, “viayova.”
Mo Hembeleu “Seol.” Tala Onondaka Mbahangununwa.
“Sah,” enyina Siovaa liatupulwa.
Ine hamwe, “omulume oo, ñgeno kavesuku nae.”
Melaka Liokonthuko: “Ovityita ekwii mwene vilinge viove.”