ONONGENGEYA
א [Alefe]*
1 Epunda-umbo liokweyulile ovanthu, pahe liesala alike!+
Epunda-umbo liokwali vali unene ovanthu pokati kovilongo, pahe liesala ngomukai omuhepe!+
Una wokwali onkhai-hamba pokati komapunda-umbo omanene,* pahe wakala omupika!+
ב [Bete]
2 Ulala nokulila unene,+ motyipala tyae mweyula ononkhuka.*
Ponombalehi mbae ambuho, kapesalele nawike opo emuungumanese.+
Omapanga ae aeho, emweenda konyima.+ Vakala onondyale mbae.
ג [Gimel]
3 Sundaa wapita koukonde,+ kononkhumbi. Wakakondya noupika.+
Pahe, una okukala pokati kovanthu vovilongo.+ Kekahi nokuvasa apa apululukilwa.
Onondyale mbae ambuho vemukwata pweetyi ehulilwa.
ד [Dalete]
4 Omatapalo okwenda ko Siyau alula, mokonda petupu omunthu uya kovipito.+
Onombundi mbayo ambuho, mbahanyauka.+ Ovanakwa vayo vekahi nokusona.
Ovafikwena vayo* vekahi nokulila unene, ngwe yeihamenwa unene.
ה [He]
5 Onondyale mbae, pahe ovo vemutumina.* Onondyale mbae vetupu otyiho notyipuka natyike.+
Siovaa wemweetela omalwihamo mokonda yononkhali mbae ononyingi.+
Ovana vae vatyindwa-po nondyale yae, vatwalwa koupika.+
ו [Wau]
6 Omunkhima auho womona omukainthu wa Siyau,+ watyindwa-po.
Ovatumini vae vekahi ngonombambi mbehena ohika yokulila.
Vaenda tyepwila ponthele yomunthu wokuvemonesa ononkhumbi.
ז [Sayine]
7 Mononthiki o Selusalei yakala tyehulilwa, ayehena apa ikala, yahinangela
Ovipuka aviho oviwa yali navio kononthiki mbo kohale.+
Pweetyi ovanthu vayo vatokela pomavoko ondyale, apahamoneka ou uvekwatesako,+
ח [Hete]
8 O Selusalei yalinga onkhali onene.+
Otyo yakalela otyipuka tyitoyesa.
Aveho veinkhimanaikile, pahe veitomba, mokonda vamona omapenge ayo.+
Ikema, ikahi nokuhondovoka+ otyo yakunda.
ט [Tete]
9 Ouhayo wayo uli monosaya mbayo.
Kayasokele oku ihungi.+
Otyipuka yahanyauka-po tyihuvisa. Itupu nawike uyuungumanesa.
Siovaa, tala-vo ononkhumbi mbange, mokonda ondyale yange, yelipaka-ko.+
י [Yode]
10 Ondyale yatyinda-po omalumono ae aeho.+
Ngwe wamona ovanthu vovilongo vanyingila momphangu yae onthyukuki,+
Vana wailika okunyingila mewaneno liove.
כ [Kafe]
11 Ovanthu vayo aveho vekahi nokusona. Vekahi nokutaindya ombolo.+
Ovipuka viavo viakolela, vevikumana no tyokulia, opo vahupe.*
Siovaa tala, tala-vo, nakala omukai* wahasilivila.
ל [Lamede]
12 Okuti etyi katyilekesa natyike kwoonwe vokulamba ondyila?
Talei, amunoñgonoka!
Okuti kuna olwihamo lulifwe pwolu naetelwa,
Olwihamo Siovaa ankhalesa nalo monthiki yonyengo yae yatokota?+
מ [Meme]
13 Wapola otupia keulu etutumu mwaame, opo tuyoke omankhipa ange aeho.+
Wayalela onomphai mbange owanda. Wankhuluminya opo ndyikondoke konyima.
Wankhalesa omukai wasiwa-po.
Ndyihimama tyavela onthiki aiho.
נ [Nune]
14 Ononkhali mbange mbakutwa ngokanga, wembukuta ambuho nokuvoko kwae.
Mbatenthekwa pekohi liange, ononkhono mbange ambupu-mo.
Siovaa wamphakula pomavoko a vana nehevili okulwa navo.+
ס [Sameke]
15 Siovaa wayumba-hi ovalume vononkhono vali mwaame.+
Wankhongela ovanthu ovanyingi opo vamiangaule ovakwendye vange.+
Siovaa waliata-liata omona omufikwena wa Sundaa, wemuliataila momphangu yokuhinina onouva.+
ע [Ayine]
16 Ndyikahi nokulila mokonda yovipuka ovio.+ Ndyikahi nokutokesa ononkhuka.*
Una upondola okunkhengelela nokumphameka,* uli kokule naame.
Ovana vange vahanywa-ko, mokonda ondyale yetuvila.
פ [Pe]
17 Siyau watandaveka omavoko.+ Petupu nawike upondola okumuungumanesa.
Siovaa watuma onondyale ambuho mbeliseta na Sakoo opo mbumulwise.+
O Selusalei yakala otyipuka tyitoyesa kuvo.+
צ [Tsade]
18 Siovaa omuviuki,+ mokonda, ame mwene nehetavelele ovitumino viae.*+
Tehelelei onwe vanthu vovilongo aviho, talei olwihamo lwange.
Ovana vange ovahikwena* novakwendye, vatwalwa koukonde.+
ק [Kofe]
19 Naihana onombalehi mbange, mahi ngwe vandyenda konyima.+
ר [Lese]
20 Tala-vo Siovaa, ndyili mononkhumbi ononene.
Omala ange eli nokututumba.*
Omutima wange mokati kange waihamenwa, mokonda nalinga wokwehetavela.+
Kondye, omutunga wipaa.+ Mokati kondywo, mukahi ngononkhia.
ש [Shin]
21 Ovanthu vetyiivite umwe tyina ndyikema. Mahi nawike uya okunkhengelela.
Onondyale mbange ambuho veiva ononkhumbi mbange.
Ngwe vahambukwa mokonda mbatuka kwoove.+
Mahi ove mokaeta onthiki wanaka,+ onthiki mavakakala ngaame.+
ת [Tau]
22 Ovivi viavo aviho vihike-vo kwoove, ovekoyesa nonyengo onene,+
Ngeetyi wankhoyesa nonyengo onene, mokonda yononkhali mbange ambuho.
Mokonda ndyikahi nokusona unene, omutima wange wavela.
א [Alefe]
2 Siovaa wahika omona wa Siyau nekaka lionyengo yae!
Ouwa wo Isilayeli weupola keulu euyumbu pohi.+
Monthiki yonyengo yae, kahinangelele omphangu atentheka onomphai mbae.+
ב [Bete]
2 Siovaa wanyina-po omaumbo a Sakoo tyehena okankhenda.
Wateya-teya-po onomphangu mbapama mbomona wa Sundaa+ nonyengo yae.
Watokesila pohi ouhamba,+ eusilisa kumwe novatumini vae.+
ג [Gimel]
3 Wateya-po ounene auho wo* Isilayeli nonyengo yae onene.
Etyi ondyale yehika, ngwe apolo-mo okuvoko kwae kwokulio,+
Atwalako okuyoka mu Sakoo, ngotupia tuyoka atyiho tuvasa.+
ד [Dalete]
4 Waliata* onkhondyi yae ngondyale. Okulio kwae kwafwapo opo kulwise ngeetyi tyilinga ondyale.+
Waipaa aveho ankho vokwapandwa.+
Onyengo yae ikahi ngotupia,+ weyuuyulila kekaka liomona wa Siyau.+
ה [He]
5 Siovaa wakala ngondyale.+
Wanyina-po o Isilayeli.
Wanyina-po ovimato viayo aviho viokwapama.
Wahanya-po onomphangu mbayo ambuho mbokwapama.
Wayawisa kokukema, no kokulila kwomona wa Sundaa.
ו [Wau]
6 Ekaka liae welihanya-po,+ ngatyina ohinge ili mepia.
Siovaa walimbwiswa ovipito novityasapalo mo Siyau.
Watomba ohamba nomunakwa nonyengo yae onene.+
ז [Sayine]
7 Siovaa kahandele vali omutala wae wovilikutila.
Watoya omphangu yae onthyukuki.+
Ovimato vionomphangu mbae mbokwapama, wevipakula pomavoko ondyale.+
Ngwe vavielela mondywo ya Siovaa,+ ngoti omonthiki yotyipito.
ח [Hete]
8 Siovaa watokola okuhanya-po otyimato tyomona wa Siyau.+
Watandaveka ongoi yokweeleka.+
Wahanya,* ahakondola okuvoko kwae.
Walulisa ovimato aviho viokwapama.
Aviho viasosoloka.
ט [Tete]
9 Omapito ae, atokela pohi.+
Wahanya-po omakumba ae, eeteya-teya.
Ohamba yae, novatumini vae veli koupika pokati kovanthu vovilongo.+
Kutupu otyitumino.* Atee umwe ovauli vae kavamono emonekelo nalike litunda ku Siovaa.+
י [Yode]
10 Ovakulu vomona wo Siyau, vapumphama pohi tyati filuu.+
Veliuva etwe momitwe, vavala onongosa.+
Ovafikwena* vomo Selusalei, vanyongama avaiki omitwe pohi.
כ [Kafe]
11 Omaiho ange pahe epwila, mokonda yokwalila unene.+
Omala ange eli nokututumba.*
Ehuli liange likahi nokutokela pohi, mokonda yomona omufikwena* wovanthu vange wahanywa-po,+
Nononkhupula, nomalukembe vekahi nokwaambukila ponopalasa mbepunda-umbo.+
ל [Lamede]
12 Veli nokupula ko voina okuti: “Okulia kuli-pi? Ovinyu ili-pi?”+
Otyo vaambukila ponopalasa mbepunda-umbo ngoti vavangwa,
Otyo vasosolokela* pomavoko ovo ina.
מ [Meme]
13 Pahe oityi matyikala ombangi yange?
Pahe oityi ndyipondola okukweeleka natyo, ove mona wo Selusalei?
Pahe oityi ndyipondola okukweeleka natyo ove mona wo Siyau, opo ndyikukengelele?
Ononkhumbi mbove ononene unene ngelunga.+ Olie metyivili okukuhakula?+
נ [Nune]
14 Emonekelo ovauli vove ankho vekupopila, omatutu, litupu etyi lipopia.+
Ine vaholololele ononkhali mbove, ñgeno kwaile koukonde.+
Mahi vatwaileko okukupopila omamonekelo omatutu, okukuyondya.+
ס [Sameke]
15 Mokonda yove, aveho valamba ondyila, vapuma peke tyomukwele.+
Vahika omwelwa tyahuva,+ nokupuka komutwe mokonda yomona wo Selusalei, otyo vati:
“Epunda-umbo eli, olio ankho lipopiwa okuti: ‘Ewa navi, ehambu liovilongo aviho’?”+
פ [Pe]
16 Onondyale mbove ambuho mbekuyohamena.
Vahika omwelwa, vakweka omayo, otyo vati: “Twemunyina-po.+
Onthiki ei, ankho twikevela-le!+ Yehika-po. Tutyeete!”+
ע [Ayine]
Wahanya tyehena okankhenda.+
Ondyale weihambukiswa, mokonda yove. Wankhimaneka ounene wonondyale* mbove.
צ [Tsade]
18 Omutima wovanthu uliyava ku Siovaa, ove tyimato tyomona wa Siyau.
Ononkhuka,* mbuuyuke ngondongi, otyitenya notyinthiki.
Ove mwene wahapululukwe, nii omaiho ove weheeyeke apululukwe.*
ק [Kofe]
19 Katuka! Liyavela otyinthiki atyiho, okuhimbikila pononthiki mbokuyunga kounthiki.
Ononkhuka mbove mbuuyuke ngomeva komaiho a Siovaa.
Yelula omavoko ove kwe, mokonda yomwenyo wovana* vove,
ר [Lese]
20 Siovaa tala-vo, tala ku una ove wakoyesa nonyengo onene.
Okuti ovakai ankho vena umwe okutwalako okulia ovana vavo* mwene, ovana vakongoka nawa vakutula?+
Okuti ovanakwa novauli ankho vena umwe okwipaelwa momphangu onthyukuki ya Siovaa?+
ש [Shin]
21 Ovakwendye, novakulu vankhia, vakunguvala momatapalo.+
Ovafikwena* vange, novakwendye vange vankhia komutunga.+
Ove waipaa monthiki yonyengo yove. Ove waipaa tyehena okankhenda.+
ת [Tau]
22 Ove wakonga owoma kononthele mbatyo ambuho, ngatyina weukongela motyipito.+
Monthiki yonyengo ya Siovaa, nawike waile-nkholo ine wahupile.+
Vana ame nakutula,* andyivetekula, ondyale yange yevenyima-ko.+
א [Alefe]
3 Ame, ame mulume wokwamona ononkhumbi mokonda yoluhonge lwonyengo yae.
2 Ngwe wanthaata, andyendesa menthiki, ahandyendesa motyimimi.+
3 Utwalako okunkhatulila okuvoko kwae onthiki aiho.+
ב [Bete]
4 Wahanyauna ohitu yange notyikova tyange,
Omankhipa ange weeteya-teya.
5 Ahondyo ongandyo yeliseta naame. Elisetesa-ko oukola walula unene,+ novitateka.
6 Wankhuluminya okukala ponomphangu mbanthikovela, ngovanthu vokwankhia-le kohale.
ג [Gimel]
7 Watunga ongandyo yotyimato yeliseta naame, opo nahaye nkholo.
Wankhuta nomalienge otyitasu alema unene.+
8 Tyina ndyiita ankhwateseko tyahulilwa, ketavela* elikwambelo liange.+
9 Watyika onondyila mbange nomamanya ahongwa nawa.
Wapengaisa onondyila mbange.+
ד [Dalete]
10 Unthyolamena opo andyutukile ngehambaungu, ngonkhulika yaholama.+
12 Waliata* onkhondyi yae, aviukisa mwaame ohevo yae.
ה [He]
13 Onohevo mbo* motyipapo tyae, wembuyaha monoso mbange.
14 Ovanthu vovilongo aviho pahe vandinga omukwele, ame vala vatumbula moviimbo viavo onthiki aiho.
15 Wendyulisa ovipuka vialula, enkhutisa otyifo tyilula unene.+
ו [Wau]
16 Uteya omayo ange nomamanya.
Andyalangatesa metwe mokonda yowoma.+
17 Ove wamphola* ombembwa. Otyiwa netyilimbwa.
18 Otyo ndyipopila okuti: “Omunkhima wange nekevelelo liange mu Siovaa viapwa.”
ז [Sayine]
19 Hinangela ononkhumbi mbange, ndyitupu eumbo.+ Nalia otyifo tyilula unene, noukola ulula.+
20 Ove tyotyili mokanthyinangela,* okanyongama opo unkhwateseko.+
21 Ame ndyityihinangela nawa momutima wange. Otyo mandyitwailako nokukevelela.+
ח [Hete]
23 Okankhenda kae ononthiki ambuho kakala okape.+ Oukwatyili wove omunene unene.+
24 Ame napopia* okuti: “Siovaa epingo liange,+ mandyitwalako okukevelela kwe.”+
ט [Tete]
25 Siovaa uhole una ukevelela kwe,+ uhole omunthu utwalako* okumwovola.+
26 Otyiwa okukevelela tyihapopi natyike*+ eyovo litunda ku Siovaa.+
27 Otyiwa omunthu atyinde okanga yae putyina nkhele omukwendye.+
י [Yode]
28 Tyina Huku emupaka okanga, atwaleko okukala aike lupumphi, tyihapopi natyike.+
29 Aike omulungu pohi,+ hamwe nkhele una apa apamena.+
30 Apakule epanda liae ku una umuveta. Amone vala ononkhumbi mbokukwelwa.
כ [Kafe]
31 Mokonda Siovaa kametuyumbuhi apeho.+
32 Namphila etwetela olwihamo, mahi makakala vali nokankhenda, mokonda yolwembia lwae olunene.+
33 Mokonda komutima wae kahande okwetela ovanthu olwihamo ine ononkhumbi.+
ל [Lamede]
34 Kahande okumiangula nonomphai ononkhwatwa ambuho kombanda yohi,+
35 Kahande okukoyesa omunthu omapita, komaiho Omunene,+
36 Kahande okukoyesa omapita omphela yomunthu.
Siovaa kayekelela ovipuka ovio.
מ [Meme]
37 Olie upondola okupopia otyipuka etyifwisapo, mahi ahatuminwe na Siovaa?
38 Momulungu Womukulami,
Kamutundu ovipuka oviwa, novipuka ovivi.
39 Omunthu una omwenyo, ñgeno ankho kapondola okuliyava mokonda yovivi viatundilila konkhali alinga!+
נ [Nune]
40 Tutalei nawa, atunoñgonoka nawa onondyila mbetu,+ tukondokei ku Siovaa.+
41 Tulivondelei ku Huku keulu nomutima wetu auho, otyo tuti:+
42 “Onthwe twalinga onkhali, katwekutavelele,+ ove kwaevelele.+
ס [Sameke]
44 Wetutyika nekaka, tuhafwene kwoove, opo omalikwambelo etu ahalambe.+
45 Wetukalesa osilo, atukala otyipuka tyihasilivila pokati kovanthu vovilongo.”
פ [Pe]
46 Onondyale mbetu ambuho mbutwiikulila omilungu.+
47 Tukalela vala owoma, nomaliva, nehanyu, nokunyonwa.+
48 Momaiho ange muundumuka omeva, mokonda omuhikwena wotyilongo tyange wahanywa-po.+
ע [Ayine]
51 Tyindyihama* unene tyina ndyitala ovipuka vikahi nokumonekela ovahikwena vepunda-umbo liange.+
צ [Tsade]
52 Onondyale mbange mbundyeva ngoti ndyityiila, anehena etyi nalinga.
53 Vamphaka metoto nomwenyo, vatwala-ko okumbeta nomamanya.
54 Omeva aandambe-po. Andyilipopila okuti: “Hono hihupu!”
ק [Kofe]
55 Etyi ndyili metoto, neliyava kenyina liove Siovaa!+
56 Tehelela-vo ondaka yange. Wehelipate momakutwi tyina ndyikwiita unkhwateseko, unthepulule omulemo.
57 Monthiki nekwihana, wafwenene ponthele yange. Opopi okuti: “Wahatile owoma.”
ר [Lese]
58 Siovaa, ove wandyakulila.* Ove wayovola omwenyo wange.+
59 Siovaa, ove wamona ovivi nalingwa. Mbambavo, ndingile-vo ouviuki.+
60 Ove wamona otyipuka vankhondolela, novipuka ovivi vapanga okundinga.
ש [Sin] ine [Shin]
61 Siovaa, ove weiva omukwele wavo, novipuka ovivi vapanga okundinga,+
62 Ove weiva onondaka mbonondyale mbange, novipuka vekahi nokumphopia onthiki aiho tyina vaamba.
63 Nkhele vetala vala. Tyilinge vepumphi tyilinge vetai, vankhwela vala moviimbo viavo!
ת [Tau]
64 Siovaa, ove movekondolela etyi tyata movipuka valinga.
65 Ove mokateneka omitima viavo. Ongootyo mokevehingana.
66 Mokevetaata nonyengo yove, okevenyima mombwelo yeulu lya Siovaa.
א [Alefe]
4 Oolu yokuliaima yakwenguka, oolu yatyo umwe!+
Ahandauka omamanya akola,+ ahandaukila ponondyambu mbomatapalo* aeho!+
ב [Bete]
2 Ovana vokwapandwa vo Siyau vokutalwa ngatyina* oolu yakangulwa,
Pahe vatalwa vala ngatyina onombiya mboluma,
Mbalingwa vala nomavoko omuhongi!
ג [Gimel]
3 Ovimbandye, vinyamisa oviwena viavio,
Mahi omufikwena wotyilongo tyange, wakala omukalavi+ ngonompho mbo moluhandya.+
ד [Dalete]
4 Omalaka ovana vokunyama, akakanyena meulu liomulungu, mokonda yohunga.
Ovana vaita ombolo,+ mahi nawike uvepa.+
ה [He]
5 Vana valia okulia kukahi nawa, pahe vatokela* momatapalo nondyala.+
Vana vekula nokuvala ovikutu vikuhuka,+ pahe valala kononthumbo mbetwe.
ו [Wau]
6 Omphela yomona wotyilongo tyange, onene vali tyipona omphela yonkhali yo Sondoma,+
Yahanyenwe-po vala liwa-liwa, apahamoneka nawike wiikwatesako.*+
ז [Sayine]
7 Ova Nasileu+ vae, ankho vasukuka vali tyipona ongandyi, ankho vatwela vali tyipona omahini.
Ankho ovawa vali tyipona omamanya omawa.* Ankho vekahi ngemanya liosafila liasolwa nawa.
ח [Hete]
8 Vanthikovela vali tyipona omule.*
Momatapalo kavaimbukwa.
Ovikova viavo viakakatela komankhipa avo.+ Viakukuta ngomuti wakukuta.
ט [Tete]
9 Vokunkhia komutunga hahe vali tyipona vokunkhia kondyala,+
Vokunkhia katutu-katutu, mokonda yokuhena okulia kutunda momapia.
י [Yode]
10 Ovakai vokuna okankhenda, vakwata ovana vavo+ nomavoko avo mwene, aveveteleka.
Vakala okulia kwavo, mononthiki mbehanyu liomona wotyilongo tyange.+
כ [Kafe]
11 Siovaa wauyula onyengo yae,
Wauyula onyengo yae yatokota.+
Uyakesa otupia ko Siyau, tuyoka-po omalisesu ayo.+
ל [Lamede]
12 Onohamba mbo kombanda yohi, novanthu aveho vakala motyilongo,
Kavetavela okuti, wokuhanya, nondyale, vapondola okunyingilila ponombundi mbo Selusalei.+
מ [Meme]
13 Otyo tyamoneka, mokonda yononkhali mbovauli vayo, novivi viovanakwa vayo,+
Vokwanengulila mokati kayo+ ohonde yovaviuki.
נ [Nune]
14 Vatanthauka momatapalo ngovamphoki.+
Ohonde yevesililsa,+
Pahe, nawike upondola okuyama kovikutu viavo.
ס [Sameke]
15 Vevekandukila okuti: “Endei na kuna! Mwasila! Endei na kuna! Endei na kuna! Muhetuyamei!”
Mokonda vetupu omaumbo, vaenda-enda vala.
Ovanthu vovilongo vapopia okuti: “Kavapondola okukala pano noonthwe.*+
פ [Pe]
16 Otyipala tya Siovaa, tyeveyandyanesa.+
Kamevetale vali nokankhenda.
Ovanthu kamavakakala vali nonthilo novanakwa,+ nii kamavakakala vali nokankhenda novakulu.”+
ע [Ayine]
17 Atee umwe pahe omaiho etu epwila mokonda yokwovola okukwateswako+ otyo tyihani-ale.
Twaovola, twaovola okukwateswako novanthu vovilongo ankho vahapondola-le okutuyovola.+
צ [Tsade]
18 Ankho vayunga oku twenda nako.+ Pahe ankho katupondola vali okwenda konopalasa mbetu.
Onthyulilo yetu, ili popepi. Ononthiki mbetu mbapwa, mokonda onthyulilo yetu yehika-po.
ק [Kofe]
19 Onondyale mbetu ankho vahateka vali tyipona ononkhombe mbo meulu.+
Vetutaata atee konomphunda. Vetuholamena moluhandya.
ר [Lese]
20 Omulembulwa wa Siovaa,+ omphepo tufima momayulu etu, watyindwa-po, atwalwa metoto liavo enene.+
Ou twapopaile twatile: “Matukakala mokahi kae, pokati kovanthu vovilongo.”
ש [Sine]
21 Mona wo Endoo+ wokukala kotyilongo tyo Usi, hambukwa, ohele.
Mahi, noove mokapewa okopo,+ okakolwa, okalekesa omapenge ove.+
ת [Tau]
22 Ove mona wo Siyau, ekoyeso lionkhali yove, liehika konthyulilo.
Huku kamekekutwala vali koupika.+
Mahi, makatala vali nawa onkhali yove mona wo Endoo.
Makahololola ononkhali mbove.+
5 Siovaa, hinangela-vo etyi tyetumonekela.
Tala, tala-vo, twaetesa onkhenda.+
2 Epingo lietu liapewa ovanthu tuhei. Omaumbo etu apewa ononthunda-vilongo.+
3 Onthwe twakala onosona, tutupu ovo tate. Ovo mee vakala ngoti ovahepe.+
4 Opo tunwe omaande etu mwene,+ tuna okweelanda. Ononkhwii mbetu, tupu tuna okumbulanda.
6 Twatandaveka okuvoko kwetu ko Isitu,+ no ko Asilia+ opo tumone okulia kutuuka.
7 Ovakwaukulu vetu vokwalinga ononkhali kaveko vali, mahi pahe, onthwe tukahi nokutyifeta.
8 Pahe tutuminwa novapika, petupu nawike ukahi nokutuyovola pomavoko avo.
9 Moluhandya muna omutunga, mahi no ngootyo tuyumbahi omwenyo wetu*+ opo tukaovole ombolo.
10 Otyikova tyetu tyatokota unene ngofolono, mokonda yondyala yeihama.+
11 Ovakai vanepwa vo Siyau novahikwena* vomapunda-umbo o Sundaa,+ valalwa navo kononkhono.*
12 Ovatumini vayendyeleswa mokuvoko,+ ovakulu kavahumbilwe.+
13 Ovakwendye vatyinda omamanya okukunkha, ovana ovatutu vatanthauka novipandi viononkhwii.
14 Ponombundi mbepunda-umbo+ petupu vali ovakulu. Ovakwendye kavaimbi vali oviimbo viavo.+
15 Momitima vietu mutupu vali ehambu. Ovinyano vietu viakala omitambo.+
16 Otyiuya* komutwe wetu tyatoka-ko. Matutyimono, mokonda twalinga onkhali!
17 Mokonda yotyo, omitima vietu viavela.+
Mokonda yovipuka ovio, omaiho etu kamono-po nawa,+
18 Mokonda, Omphunda Siyau yahanywa-po.+ Pahe munyangela vala olunga.
19 Mahi ove Siovaa, ove utwala-ko tyipumphi kotyipundi tyoutumini apeho.
Otyipundi tyove tyoutumini, tyitwalako mokweenda kwomakula atyo aeho.+
20 Oityi wetulimbwilwa ehimbwe eli, otuyeke-po mokweenda kwononthiki ombo ambuho?+
21 Tukondole-vo kwoove Siovaa, onthwe matukondoka liwa-liwa kwoove.+
Ononthiki mbetu mbukalesa-vo onomphe, opo mbukale ngo mbo kohale.+
22 Mahi, ove wetuyala umwe, kutuhande vali.
Nkhele wetunumanena unene.+
Okapitulu 1 atee okapitulu 4, onongengeya mbahimbika nonoletela mbo Hembeleu.
Ine, “kovilongo.”
Ine, “omahonyi.”
Ine, “ovahikwena vayo vehenelale novakwendye.”
Melaka Liokonthuko: “Omutwe.”
Ine, “ambuhambukwa.”
Ine, “vapameke ohande.”
O Selusalei yapopiwa ngatyina omunthu.
Ine, “omahonyi.”
Ine, “nokupameka ohande yange.”
Melaka Liokonthuko: “Omulungu wae.”
Ine, “ovahikwena vehenelale novakwendye.”
Ine, “vapameka onohande.”
Ine, “nalinga onthiololo.”
Melaka Liokonthuko: “Onombinga ambuho mbo.”
Ine, “waoma.”
Ine, “wahanya-ko.”
Melaka Liokonthuko: “Wanyina.”
Ine, “ondongeso.”
Melaka Liokonthuko: “Ovahikwena vehenelale novakwendye.”
Ine, “nalinga onthiololo.”
Epunda-umbo liapopiwa ngatyina omunthu, tyafwile nonondaka mbokankhenda.
Ine, “onohande mbavo mbasosolokela.”
Melaka Liokonthuko: “Ombinga yonondyale.”
Ine, “omahonyi.”
Melaka Liokonthuko: “Omukainthu weiho liove wehemuyeke apululukwe.”
Ine, “yonohande mbovana.”
Melaka Liokonthuko: “Komutwe womatapalo aeho.”
Ine, “otyinyango tyavo.”
Melaka Liokonthuko: “Ovahikwena vehenelale novakwendye.”
Ine, “naeta nekongoko.”
Ine, “utyilika; utyika.”
Ine hamwe, “ankhalesa ngepia lihaliminwe.”
Ine, “waoma.”
Melaka Liokonthuko: “Ovana vo.”
Ine, “ohande yange weipola.”
Ine, “ohande yove tyotyili maikanthyinangela.”
Ine, “ohande yange yapopia.”
Ine, “ohande itwalako.”
Ine, “noumphwa-lundo.”
Ine, “ohande yange iihamenwa.”
Ine, “waamena omphela yohande yange.”
Melaka Liokonthuko: “Komitwe viomatalo.”
Ine, “vapandwa ngo.”
Melaka Liokonthuko: “Vahanyaukila.”
Melaka Liokonthuko: “Okuvoko kwiikwatesako.”
Tala Onondaka Mbahangununwa.
Melaka Liokonthuko: “Enthiki.”
Ine, “okukala ononthunda-vilongo motyilongo tyino.”
Melaka Liokonthuko: “Veli pomunyino wetu.”
Ine, “tuyumbahi onohande mbetu.”
Ine, “ovahikwena vehenelale novakwendye.”
Ine, “vaundulwa.”
Osapeu yonohamba.