Olipi Ehando Lia Huku?

Huku uhanda tukale-ko apeho nombembwa nehambu pano pohi momphangu yombembwa!

Mahi, upondola okupula: ‘Okuti nthiki imwe otyo matyikamoneka umwe?’ Ombimbiliya ipopia okuti Ouhamba wa Huku mauketyilinga, tupu Huku uhanda ovanthu aveho velilongese konthele Youhamba oo, nehando liae pala onthue.—Salmo 37:11, 29; Isaías 9:7.

Huku utuhandela oviwa.

Ngetyi he ahandela oviwa ovana vae, Tate yetu keulu uhanda tukale nehambu lihapu. (Isaías 48:17, 18) Walaa okuti una “ulinga etyi Huku ahanda makalako apeho.”—1 João 2:17.

Huku uhanda tuendele monondyila mbae.

Ombimbiliya yati Omupakeko wetu uhanda “okutulongesa onondyila mbae” opo “tuendele monondyila mbae.” (Isaías 2:2, 3) Waonganeka “ovanthu vaihanwa enyina liae” opo valongese ovanthu ehando liae kombanda yohi aiho.—Atos 15:14.

Huku uhanda tuliwaneke mefendelo liae.

Efendelo liotyotyili lia Jeova liwaneka ovanthu mohole yotyotyili, kaliveyapula. (João 13:35) Ovalie hono vekahi nokulongesa ovalume novakai mouye auho okuumbila Huku newaneko? Tukukonga ulilongese ombulusula ei opo utyitale.