Ambalayau na Sala Vetavelele Huku

Popepi no Mbambele ankho pena epunda-umbo litiwa o Uli, ovanthu ankho vakala-mo vafenda ovika-huku kavafende Siovaa. Mahi mo Uli ankho muna omulume wike ufenda vala Siovaa. Omulume oo, o Ambalayau.

Siovaa apopila Ambalayau okuti: ‘Sapo eumbo liove nombunga yove enda no kotyilongo mandyikulekesa.’ Konyima Huku emulae okuti: ‘Mwoove mamutundu otyilongo otyinene, ovanthu vovilongo aviho mavakamona ovipuka oviwa mokonda yove.’

Ambalayau ankho kei oku Siovaa memutumu, mahi ankho uyumba onthumbi mu Siovaa. Ambalayau nomukai wae Sala na tate yae Tela nomwingona wae Lote avalongela ovipuka viavo avahimbika okulinga oungendi.

Ambalayau ankho una omanima 75 pweetyi vehika kotyilongo Siovaa ankho ahanda okuvelekesa. Otyilongo otyo, o Kanaa. Huku wapopile na Ambalayau emuti: ‘Otyilongo etyi atyiho mandyityavela ovana vove.’ Mahi Ambalayau na Sala ankho vakulupa, vetupu omona nawike. Opo oñgeni Siovaa mafwisapo etyi apopia?