ELONGESO 18

Popia Ovipuka Vilongesa

1 Ova Kolindu 9:19-23

ETYI UNA OKULINGA: Kwatesako ovanthu okusoka etyi uya nokuvelongesa, avamono okuti etyi valongeswa tyivekwatesako.

Soka etyi ovateheleli vove vei-ale. Uhawane vala etyi ovateheleli veiva-ivale, mahi popia-po okapuka kamwe kalongesa ovanthu.

Kala vali ehimbwe pokupopia ovipuka ovateheleli vehei, pweevi veyale ohasete-po.
Tanga, osoko etyi watanga. Popia-po ovipuka vipopiwa unene potyilongo, opo upotoyole nawa etyi tyesukisa. Soka ñgaa: Ovipuka evi navasa pokwatanga, oityi vipopia tyiyemba kweetyi mankhalongesa?

Pokulilongesa etyi mokalongesa, lipula ñga: ‘Oityi etyi? Olie wetyilinga? Onalupi tyalingwa? Opi tyalingilwa? Tyalingilwa-tyi? Tyalingwa ñgeni?’ Pokulongesa opo tyihiwe, tyiivale okuti omapulo amwe ngoo, uli nokwekumbulula.
Tyimoneke oityi etyi molongesa tyesukisila. Longesa ovanthu vetyimone okuti Ombimbiliya ipondola okuvekwatesako nthiki na nthiki. Popia-po ovipuka vimwe, mwene navo vehole okumona.