Ombungo
Oityi tyilekesa okuti Siovaa waavela ombungo ovanthu aveho?
Tupu tala 2Ko 4:2
Omunthu tyina pahe etyiliya okulinga ovivi, omutima wae ukala ñgeni?
Tyina omunthu eli nokulinga otyipuka tyimwe asoka okuti tyaviuka, ngootyo tyaviuka umwe?
Lilongesila kovanthu vapopiwa m’Ombimbiliya:
2Eh 18:1-3; 19:1, 2 — Siovaa wanumanenene Ohamba Seosafaa mokonda wakwatesileko Ohamba Akambe ankho ulinga vala ovipuka ovivi.
Ovi 22:19, 20; 26:9-11 — Paulu wapopile okuti etyi ehenekale omulanduli wa Sesusi ankho usoka okuti okuhukaisa ovalanduli va Sesusi tyaviuka.
Oñgeni matulongesa ombungo yetu?
Lilongesila kovanthu vapopiwa m’Ombimbiliya:
1Sa 24:2-7 — Ndaviti ankho walongesa nawa ombungo yae, ahaipaa Ohamba Saulu mokonda ankho utyii okuti omulembulwa wa Siovaa.
Okuti ovanthu ovakwankhali vapondola umwe okukala nomutima wasukuka komaiho a Huku?
Ef 1:7; Heb 9:14; 1Pe 3:21; 1Swa 1:7, 9; 2:1, 2
Tupu tala Eho 1:5
Lilongesila kovanthu vapopiwa m’Ombimbiliya:
Is 6:1-8 — Siovaa wapopilile omuuli Isaiya okuti wemwevela.
Eho 7:9-14 — Ovanthu ovanyingi-nyingi vapondola okukala omapanga a Siovaa mokonda yeetyi Sesusi etunkhila.
Ine omutima wetu walongesiwa n’Ombimbiliya, otyiwa apeho tuutavele mokonda yatyi?
Ovi 24:15, 16; 1Ti 1:5, 6, 19; 1Pe 3:16
Tupu tala Lo 13:5
Lilongesila kovanthu vapopiwa m’Ombimbiliya:
Ehi 2:25; 3:6-13 — Ovo Andau na Eva kavetavelele omutima wavo, avalingi onkhali ku Huku, otyo pahe atyivekundisa.
Ne 5:1-13 — Ova Sundaa pononthiki mba Neemiya ankho ovitumino vya Huku vevipakela vala ponthele, avesuku vala novipuka viavo mwene. Neemiya apopi navo vatale okuti etyi veli nokulinga tyapenga.