Evi Vitusoyesa
Tusoya unene tyina vakwetu vetulinga evi vitunumanesa, vetuleva, na tyina vetwenda konyima
Lilongesila kovanthu vapopiwa m’Ombimbiliya:
1Sa 8:1-6 — Omuuli Samuwele wasoyele unene etyi ova Isilayeli vaita ohamba onkhwavo.
1Sa 20:30-34 — Sonataa wanumanene unene etyi tate yae Saulu emupopia omapita pokati kovanthu.
Onotesitu mambukupameka:
Tupu tala Omih 19:11; Flp 4:8
Etyi Ombimbiliya ipopia matyikupameka:
Ovii 55:12-14, 16-18, 22 — Etyi Ohamba Ndaviti aendwa konyima nepanga liae Aitofeli, wayumbile onthumbi mu Siovaa, Siovaa emupameka.
2Ti 4:16-18 — Etyi Paulu akwatwa, ovanthu ovanyingi vemusile-po, mahi ngwe ayumbu onthumbi mu Siovaa, Siovaa emwavela ononkhono.
Tusoya unene tyina tusoka kweevi twehevili okulinga no kovivi twalingaile
Lilongesila kovanthu vapopiwa m’Ombimbiliya:
Ovii 51:1-5 — Ndaviti wasoyele unene mokonda yovivi alingile.
Lo 7:19-24 — Paulu wasoyele unene mokonda namphila ankho ahanda umwe okulinga etyi tyaviuka, mahi pamwe ankho ulinga etyi tyahaviukile.
Onotesitu mambukupameka:
Etyi Ombimbiliya ipopia matyikupameka:
1Oh 9:2-5 — Namphila Ohamba Ndaviti alingile ovipuka ovivi, mahi ku Siovaa Ndaviti ankho omunthu ukakatela mweetyi tyaviuka.
1Ti 1:12-16 — Namphila Paulu alingile ovipuka ovinyingi ovivi etyi ehenekale omulanduli wa Kilisitu, mahi ankho una onthumbi yokuti Siovaa umuhole, ya wemupolela-po.