Okukoleleya
Okuti ovanthu va Huku vesukisa okukoleleya?
Omokonda yatyi pamwe ovanthu vehesukila noonthwe tyina tuvelongesa oviwa ovipe?
Mt 10:22; Swa 15:18, 19; 2Ko 6:4, 5
Lilongesila kovanthu vapopiwa m’Ombimbiliya:
2Pe 2:5; Ehi 7:23; Mt 24:37-39 — Namphila Nowee “apopile movanthu etyi tyaviuka,” mahi ovanthu avehesuku nae. Nowee nombunga yae ovo vala vahupile Kombila Onene.
2Ti 3:10-14 — Namphila Paulu amonesilwe ononkhumbi, mahi wakoleleyile. Etyi ahonekela Timotiu omukanda, emupopila nae akoleleye.
Omokonda yatyi tukevelela okuti matuyalwa no vetu?
Mt 10:22, 36-38; Lu 21:16-19
Lilongesila kovanthu vapopiwa m’Ombimbiliya:
Ehi 4:3-11; 1Swa 3:11, 12 — Mokonda Kaii ankho ondingavivi aipaa ondenge yae Ambele, mahi Ambele ankho ondingaviwa.
Ehi 37:5-8, 18-28 — Etyi Susee apopila ovakulu vae ondyoi ankho yatunda ku Siovaa, ovakulu vae avehetyihande avemulandesa akakala omupika.
Oityi twahatilila owoma wononkhia tyina tumoneswa ononkhumbi?
Tupu tala Eho 2:10
Lilongesila kovanthu vapopiwa m’Ombimbiliya:
Nda 3:1-6, 13-18 — Ovo Sandalake na Mesake na Ambendeneku kavafendele otyilolo, namphila ankho vetyii okuti vapondola okwiipawa.
Ovi 5:27-29, 33, 40-42 — Ovalongwa va Sesusi vatwaileko okwivisa namphila ankho vetyii okuti mavamoneswa ononkhumbi.
Oityi matyitukwatesako okwahayeke-po Siovaa na tyina umwe twamaviyulwa?
Lilongesila kovanthu vapopiwa m’Ombimbiliya:
Omb 20:9-12; Epa 3:23-28; 31:7, 8 — Namphila umwe Mwisesi asoyele etyi aviyulwa na Siovaa, mahi no ngootyo ahayekepo okumufenda.
2Oh 20:12-18; 2Eh 32:24-26 — Etyi Ohamba Isekiya alinga otyiponyo tyimwe, omuuli wa Siovaa emuviyula, mahi no ngootyo Isekiya eliolo omutima etavela ya atwalako okufenda Siovaa.
Omokonda yatyi pamwe tyipwiyila okukoleleya tyina vakwetu vayeka-po okufenda Siovaa?
Lilongesila kovanthu vapopiwa m’Ombimbiliya:
Ovii 73:2-24 — Etyi omuhoneki woviimbo amona okuti ovanthu vahafende Huku vekahi vala nawa tupu vena ombembwa, ahimbika okulipula ine okufenda Siovaa tyina umwe etyi tyimupa.
Swa 6:60-62, 66-68 — Namphila ovalongwa ovanyingi va Sesusi vemuyekele-po, mahi Petulu kayekele-po okukala omulongwa wa Sesusi.
Oityi matyitukwatesako tutyivile okukoleleya?
Okukala noupanga wapama na Siovaa tyitukwatesako okukoleleya
Okutanga Ombimbiliya atusokolola kweetyi twatanga, tyitukwatesako okukoleleya
Okulikwambela apeho ku Siovaa atumupopila atyiho tyili momutima wetu, tyitukwatesako okukoleleya
Lilongesila kovanthu vapopiwa m’Ombimbiliya:
Nda 6:4-11 — Omuuli Ndaniyele apeho ankho ulikwambela, namphila ankho etyii okuti upondola okwiipawa.
Mt 26:36-46; Heb 5:7 — Etyi kwakamba katutu opo Sesusi aipawe, welikwambelele unene ya apopila ovalongwa vae navo apeho velikwambele.
Okukala na vakwetu tufenda navo tyitukwatesako okukoleleya
Okusoka kovipuka Siovaa meketulingila komutwe wandyila, tyitukwatesako okukoleleya
Okuhumba Siovaa na vakwetu tufenda navo, tyitukwatesako okukoleleya
Okupameka onthumbi yetu tyitukwatesako okukoleleya
Okusoka oñgeni Siovaa akala tyina tumutavela, tyitukwatesako okukoleleya
Oityi tyituka kokukoleleya?
Tunkhimaneka Siovaa Huku
Omih 27:11; Swa 15:7, 8; 1Pe 1:6, 7
Lilongesila kovanthu vapopiwa m’Ombimbiliya:
Som 1:6-12; 2:3-5 — Satanasi watendeleya Siovaa okuti oe waamena ovanthu vana vemufenda. Mahi etyi Sombe akoleleya ononkhumbi, atyimoneka umwe okuti Satanasi onkhembi.
Lo 5:19; 1Pe 1:20, 21 — Andau ketavelele ku Siovaa, mahi Sesusi wetavelele ku Siovaa atee aipawa. Otyo tyalinga Sesusi tyalekesa umwe nawa okuti omunthu wehena onkhali utyivila umwe okukakatela mu Siovaa namphila ena ovitateka.
Tupameka vakwetu vetyivile okukoleleya
Tuundapa unene movilinga viokwivisa
Tuhambukiswa Siovaa, ngwe meketwavela oviwa
Mt 24:13; Lu 21:19; 1Ko 15:58; Heb 10:36
Tupu tala Lo 2:6, 7; Tia 1:12