Omaiviso

◼ Omikanda pala okuava. Tyitalale: Oityi Ombimbiliya Tyili Ilongesa? Linga ononkhono pala okuhimbika okulongesa ovanthu Ombimbiliya. Tyikukutu na Kapepo: Omutala Womulavi no Despertai! Tyina ukatalelapo ovanthu vokuesuka ankho vekahi Pehinangelo Liononkhia Mba Tatekulu, mahi nkhele kaveliongiya apeho newaneno, veavela omukanda Oityi Ombimbiliya Tyili Ilongesa?. Linga ononkhono onene pala okuhimbika okulilongesa navo Ombimbiliya.

◼ Monthiki yehinangelo Mukuana 9 ya Tyikukutu, kamakulingwa omaliongiyo omakuavo, mahi mupondola okulinga omaliongiyo pala okuenda movilinga viokuivisa. Inkha ewaneno lienyi lilinga omaliongiyo Mukuana, mupondola okuelinga monthiki onkhuavo yosimano inkha monthiki oyo petupu ewaneno ekuavo maliliongiya Mondyuo Yomaliongiyo. Putyina ovakulu vewaneno vatokola oola yokuhimbika Ehinangelo, vena okuholovona oola maikuatesako aveho okukalapo, alo umue vana muakonga. Momapundaumbo omanene, eliongiyo olio lihahimbike komutenya unene.

◼ Olelatoliu Yehinangelo: Tuita omawaneno vetutolele liwa monthiki ilandulako, Mutano 10 ya Tyikukutu, omuvalu wovanthu ankho vekahi Pehinangelo Liononkhia mba Tatekulu. Omawaneno oko Benguela noko Luvango, vatuale tyihasete omuvalu wovanthu ankho vekahi Pehinangelo konondyuo mbo Nomisionaliu. Omawaneno momapundaumbo omakuavo vapondola okutelefonala ko Filiyale opo vaave omuvalu wavo, okuundapesa o telefone (222-460172) ine o fax (222-460245).

◼ Putyina omawaneno amatambula Omutala Womulavi no Despertai!, vena okuviavela liwa ovaivisi vevitange tete opo vetyivile okuviavela ovanthu movilinga viokuivisa.