Omaiviso

◼ Omikanda pala okuava: Kupupu: Oityi Ombimbiliya Tyili Ilongesa? Hitandyila: Espírito dos Mortos? Tyitalale: Oityi Ombimbiliya Tyili Ilongesa? Tulingei ononkhono pala okuhimbika okulilongesa novanthu Ombimbiliya.

◼Okupolelela mu Hitandyila, omutalelipo womauaneno malingi elongomona epe lina osapi yatyi: “Oñgeni Otyili Tyikalesa Omuenyo Wove”

◼Mu 30 ya Kulindi yo 2010, ko Mbetele kuamanuhulwa Osikola ya Tatu Yovakulu Vokutalelapo Omawaneno. Ankho pena ovatalelipo vomawaneno 27, okukutikinyamo ovalongesi vevali. Ovakai vavo vapelwe ovilinga mo Mbetele, avakala kumwe novalume vavo pomaliongiyo amwe alingwa novakulu vo Komisau yo Filiyale. Aveho vatambula onondonga onongwa nokulipameka otyikati mokueenda kuonosimano etyinana valongeswa.

◼Mohanyi ya Kuhuhu yo 2010 kuonganekwa ewaneno lio tete melaka liovimpholo novihita mulungu mo Angola. Ewaneno lina ovaivisi 66, 21 ovimpholo, novakokoli-ndyila 34. Otyo matyivatela okuyandyanesa onondaka onongwa Mbouhamba wa Huku kovimpholo ovinyingi vikahi mo Angola.