“Onoola Onoñgapi Ndyina Okuavela?”

Okuti walingiliale epulo olio nthiki imwe? Ehongolelo livasiwa momukanda Organizados pefo 85 palagrafu 4 alo pefo 87. Tupu pamwe tupewa omahongolelo omakuavo, ngeli likahi Pomapulo Akumbululwa Movilinga Vietu Viouhamba ya Tungonkhe yo 2008. Mokonda ononkhalelo mbelikalela, katupewa ovitumino ovinyingi konthele oyo. Moluotyo, katyaviukile omukulu weuaneno ine vakuavo okuavela ehongolelo ekuavo.

Inkha pamoneka epulo iya apehena ehongolelo liahonekwa lipopia konthele oyo, kese muivisi una okulipula: Ombu onoola nalinga movilinga viokuivisa? Ine napesela omuvo nokulinga ovipuka ovikuavo vihelikuatele novilinga ovio? Etyi tuhoneka polelatoliu yetu yovilinga viokuivisa kese hanyi tyina okutuavela ehambu atuhakala nomutima walema. (Atos 23:1) Tyotyili, tyesukisa vali hakuvalula onoola, mahi ombili yetu yokuundapa movilinga viokuivisa.—Heb. 6:11.