Okukonga Ovanthu Opo Veye Kehinangelo, Matyihimbika 22 ya Tyitalale

Enima lino matuhimbika Tyasapalo 22 ya Tyitalale okukonga ovanthu opo veye Kehinangelo. Atuho tuavelwa ondundo opo tuundape unene movilinga ovio. Konthyulilo yosimana tupu tupondola okuava omutala Omutala Womulavi no Despertai! Motyasapalo tyotete tya Tyikukutu, matusuku vali nokuava omukanda wokukonga tyipona okuhimbika okulongesa ovanthu Ombimbiliya. Mahi inkha tuvasa omunthu wesuka, tupondola okuhimbika okulilongesa nae Ombimbiliya. Omukulu wovilinga upondola okupopia oñgeni matyitwa omukanda wokukonga opo tyikuatesako ewaneno okuvasa ovanthu ovanyingi. Honeka omanyina ombunga na vana uundapa navo, na vana ulongeswa navo, nokuvetalelapo, novakuavo vali uhanda okukonga oveavela omukanda wokukonga tyina onthiki yokukonga yamahikipo. Tukevela okuti ovanthu ovanyingi mavelihonyeka nonthwe okuhinangela ovanthu vevali vetulekesa oluembia olunene.​—João 3:16; 15:13.