Kuatesako Ovana Vove Opo Vakale Nekolelo Liapama Momutungi

Ovipuka viatungwa vinkhimaneka Jeova. (Sal. 19:1-4; 139:14) Mahi, ouye wa Satanasi ukahi nokuyandyaneka omatutu konthele yovipuka Huku atunga. (Rom. 1:18-25) Oñgeni ove upondola okuyakulila ovana vove opo omalusoke oo ahakale momitima viavo? Tyina nkhele ovatutu, vekuatesako okupameka ekolelo liavo liokuti Jeova oko ekahi iya uvekuatesako. (2 Cor. 10:4, 5; Efé. 6:16) Noñgonoka omalongeso omatutu vehole okulongesa ovana vove kosikola iya oundapesa oviti ovinyingi tuna opo utyivile okuhika komitima viavo. (Pro. 20:5; Tia. 1:19)

TALA O VIDIU YATI: ETYI OVAKUENDYE VAMWE VAPOPIA​—OKUTAVELA KU HUKU, KONYIMA AMULILONGESA OMAPULO MAALANDULAKO:

• Oityi ovanthu vapopia unene konthele yokutavela ku Huku?

• Oityi kosikola yove valongesa?

• Oityi tyikuavela onthumbi yokuti Jeova oko ekahi?

• Oñgeni ove upondola okukuatesako omunthu umwe okuimbuka okuti Huku oe watunga ovipuka aviho?