“Muhafendei Ovika-huku”

Sakoo ankho utyii okuti Siovaa oe vala una okufendwa. Namphila pomuvo opo ankho Huku keneavele ovitumino konthele yokufenda. (Êx. 20:3-5) Etyi Siovaa emupopila opo akondoke ko Mbetele, Sakoo apopila ovanthu aveho opo vayumbehi ovika-huku viavo. (Gên. 35:1-4) Tyotyili Siovaa wayambele etyi Sakoo alingile.

Hono, oñgeni tupondola okufenda vala Siovaa? Tete tuesukisa okulityilika ovipuka aviho vielikuata noumbanda nokufenda ovika-huku. Movipuka ovio muakutikinya ovilanda, novinunga novifuta. Tupu tuesukisa okutala nawa ovitalukiso vietu. Mongeleka, lipula okuti: ‘Omikanda ndyitanga novipuka ndyitala motelevisau vilekesa ovilulu, novanthu vatyituka? Okuti ovinyano viange vilekesa ovanthu vatapesa, nokutakela?’ Atuho tuesukisa okulityilika ovipuka aviho Siovaa eyele. — Sal. 97:10.

TALA OVIDIU YATI “YALEI ELIAPU.” IYA KONYIMA AMUKUMBULULA OMAPULO AA:

• 

  Otyitateka patyi Palesa ankho ena?

• 

  Omokonda yatyi otyiwa okukuatesuako novakulu vewaneno motyitateka ngotyo?

• 

  Ovipuka patyi tuesukisa okulipola ankho tuhanda okukuatesuako na Siovaa?

• Etokolo patyi Palesa alingile?

• Apa ukala ovipuka patyi vielikuata novilulu wesukisa okulityilika?