OLUMONO LUKAHI MONDAKA YA HUKU | LEVÍTICO 4-5
Lingila Siovaa Atyiho Uvila
Ova Isilayeli ankho vapondola okukala noupanga omuwa na Siovaa. Alo umwe vana vahepa ankho vapondola okulinga oviawa vimuhambukiswa. Siovaa ankho uhanda vala vaave otyipuka tyikahi vali nawa vena. Mongeleka, ova Isilayeli vokuahepa unene ankho vapondola okuava ohinde, mahi ankho ohinde “yanyetuka” nawa, nga ina vatelekela ovaenda. (Gên. 18:6) Hono tuavela Siovaa “otyilikutila tyehiliviko.” Namphila tuehetyivili vali okulinga atyiho tuahandele okulinga, mahi etyi tulinga tyihambukiswa Siovaa mokonda tutyilinga nomutima auho. — Heb. 13:15.
Omokonda yatyi okunoñgonoka okuti inkha kutyivili vali okulinga etyi ankho ulinga mokonda yokuvela ine omokonda yokuehena vali ononkhono otyiwa?