Uhole Okumona Oñgeni Siovaa Akumbulula Omalikuambelo Ove?

Ombimbiliya ipopia ovanthu ovanyingi velikuambelele, Siovaa evekumbulula. Mokutala, etyi vamona okuti Siovaa wakumbulula omalikuambelo avo, atyivepameka, avemuyumbu vali onthumbi. No onthwe tyina tulikuambela, otyiwa umwe okupopia etyi tuahanda, atutale oñgeni Siovaa eli nokukumbulula omalikuambelo etu. Mahi tupu tuhinangelei okuti pamwe Siovaa tyina amati pokukumbulula omalikuambelo etu, kamalingi umwe nawa-nawa etyi tuaita, okuti hatyo, pamwe pahe alingi umwe etyi tyilamba ku etyi tuemuita. (2 Kol. 12:7-9; Efe. 3:20) Mahi pamwe oñgeni Siovaa akumbulula omalikuambelo etu?

• Tyina tuna otyitateka, pamwe utuavela ononkhono, pamwe ututulisa omutima, pamwe utupameka. — Fili. 4:13.

• Utukuatesako tutyivile okusoka nawa etyi tuahanda okulinga. — Tia. 1:5.

• Utupaka olusoke lwokulinga otyipuka tyimwe, etuavela ononkhono tutyilinge. — Fili. 2:13.

• Tyina tuapia omutima, ututulisa omutima. — Fili. 4:6, 7.

• Utuma vakuetu vetukuateseko. Pamwe vetuavela etyi tuesukisa, pamwe vetupameka. — 1 Suau 3:17, 18.

• Tyina tuitila-ko vakuetu momalikuambelo, ukevekuatesako umwe. — Ovil. 12:5, 11.

TALA OVIDIU YATI: SIOVAA “UTEHELELA OMALIKUAMBELO.” PAHE OKUMBULULA OMAPULO AA:

• Ine pahe katutyivili vali okulinga evi ankho tulinga kohale mokonda yokuvela, oñgeni etyi tyilinga omukulu Takeshi Shimizu tyipondola okutukuatesako?

• Oñgeni tupondola okuhetekela omukulu Takeshi Shimizu?