Pokulilongesa Awike Ombimbiliya no Mefendelo Liombunga

Onthwe, Siovaa katumufendela vala momaliongiyo no movionge, mahi tumufenda na tyina twike, na tyina tuna vakwetu vo meumbo. Apa pena ovipuka vimwe upondola okulilongesa pokulilongesa awike Ombimbiliya, no mefendelo liombunga:

• Lilongesei etyi matyililongeswa meliongiyo. Mupondola okulilongesa oviimbo mavikaimbwa meliongiyo, neetyi mamukapopia mononthele mbokuna omapulo.

• Tangei amuho Ombimbiliya, pahe amundesinyala etyi tyili nokulinga ovanthu vapopiwa apa mwatanga, okuti hatyo, amuhoneka etyi mwelilongesila-ko.

• Tangei elikwambelo limwe liapopiwa m’Ombimbiliya, amutomphola etyi mwelilongesila-ko mulinge omalikwambelo ekahi vali nawa.

• Polei ovindiu mo jw.org amwiitale, pahe amutomphola etyi mwelilongesila-ko. Ine weitala awike, honeka etyi welilongesila-ko.

• Lilongesei etyi mamukapopia movilinga viokwivisa. Umwe alingi ngatyina omwivisi, omukwavo alingi ngatyina o wokwavasiwa.

• Talei ovipuka Siovaaa atunga, amutomphola etyi vimulongesa tyiyemba kwe. Ine wike, osoko etyi vikulongesa tyiyemba kwe.