OVIPUKA VIALIA OKALU— MOLINGI ÑGENI?
Soka Koviwa Vili Komutwe
Okuti apa ukala ovipuka vialonda unene? Pahe nokulukala vala ondywo kumetyivili-ale? Walinga otyiho tyokuti kumetyivili okutekula vo meumbo? Ine otyo, tyipondola pahe walimbililwa umwe vala, usoka okuti ovipuka komutwe kamavikala-le nawa. Mahi putyina ovipuka viepwiya, okusoka koviwa vili komutwe tyipondola okukukwatesako.
OMOKONDA YATYI TYESUKISILA
Okusoka koviwa vili komutwe tyikahi nawa, mokonda tyitwavela ononkhono mbokulikwatehila. Tupu tyitukwatesako okusoka umwe nawa evi matulingi. Omikanda vimwe viapopia okuti, vokusoka koviwa vili komutwe . . .
ovo velikwatehila vali
vetyiliya liwa
valinga ovipuka nonondunge, ovipuka vivekalesa nekongoko likahi nawa.
ETYI UPONDOLA OKULINGA
Tete, lilongesa oñgeni Ombimbiliya ipondola okukukwatesako. m’Ombimbiliya mwapopiwa onondunge mbukahi nawa, mbupondola okukukwatesako tyina ovipuka vialonda. Onondunge ombo mambukukwatesako, ohatokota omutwe, otale etyi molingi tyina ovipuka viamaleme.
Tya vali, lilongesa etyi Ombimbiliya ipopia matyikalingwa komutwe. Ine utyimona umwe okuti ounongo uli m’Ombimbiliya maukukwatesako, opo momono ononkhono mbokutanga etyi ipopia matyimoneka komutwe. Ine utanga Ombimbiliya motyimono okuti Siovaa uhanda ukale ‘nomphamekelo nekevelelo.’ Tupu momono etyi tyituyumbisa-ko onthumbi yokuti ovipuka maviviuku. (Selemiya 29:11) Otyo yatyo, Ouhamba Huku.
OUHAMBA WA HUKU OITYI, OITYI MAUKALINGA?
Ouhamba wa Huku, outumini uli keulu mauya okutumina ohi aiho. (Ndaniyele 2:44; Mateusi 6:10) Ouhamba oo, mautuminina keulu, aumane-ko ononkhumbi, noluhepo, aweeta-ko ombembwa nekuta, ngeetyi tyipopia ono tesitu mbuli pombwelo apa.
Ovanthu ovanyingi vayumba onthumbi monondaka ombo, mokonda vetyii okuti, ‘Huku kakembe.’ (Titu 1:2) Naina, hatyiwa noove ulilongese Ombimbiliya. Oviwa viapopiwa-mo vipondola okukwaavela ononkhono otulu omutima naapa ovipuka vialema, oyumbu-ko onthumbi okuti ovipuka komutwe mavikaviuka.