Omokonda yatyi omunthu ankhila?

8 Yehova Huku wahandele okuti omunthu upilulula oohi aiho ngo mphangu imwe ongwa—oparaisu pala aveho.—Gênesis 1:28

Ovanthu ñgeno vakaleleko apeho, ankho Andau na Eva vetavelele ku Yehova. Vatolelelwe okuti vahalye kotyinyango tyo muti wenoñgonoko lyo tyiwa notyivi.—Gênesis 2:15-17

9 Oandyu imwe yelilinga ombi ya aipopila monyoka imwe okupandyula Eva na Andau ku Huku.—Gênesis 3:1-6

10 Oandyu yo kwakembele Eva yeya okwihanwa ‘onyoka yokonthuko, Eliapu haiyo Satanasi.’—Revelação 12:9

11 Yehova wataata moparaisu ovalinepi ava vokuna omutomba.—Gênesis 3:23, 24

12 Andau na Eva vali novana, anthi ombunga oyo aiho kayali nehambu.—Gênesis 3:17, 18

13 Veya okukulupa nokunkhia, ngetyi Yehova apopile.—Gênesis 3:19; Romanos 5:12

14 Ovo vankhia ngetyi ovinyama.

Onohande ambuho kombanda yoohi mbunkhia.—Eclesiastes 3:18-20; Ezequiel 18:4