Oityi ove una okulinga?
50 Wahanda okukala apeho moparaisu ei ongwa?
Iya lilongesa vali kombinga yetyi Huku apopia. Ovola okulilongesa nokutanga Ombimbiliya.—João 17:3; Revelação 1:3
51 Lilongesa vali kombinga ya Yesu.—Deuteronômio 18:18, 19;
52 Ovola okulinga vali ouwa ya nokutavela ku Yehova.—Romanos 6:17, 18, 22
53 Uhinangela okuti Yehova wati katupondola okwipaa ovanthu.—Êxodo 20:13; 1 João 3:11, 12
54 Katupondola okupunda vya vakwetu.—Êxodo 20:15; Efésios 4:28
55 Omulume kapondola okukala ya nokulala nomukai, wehe wae.—Êxodo 20:14, 17; 1 Tessalonicenses 4:3
56 Uhinangela okuti ovakai veñgapi Huku ayekelela omulume okukala navo? Omanima eñgapi omulume ena okukala nomukai wae?—Gênesis 2:22, 24; Mateus 19:5, 6; 1 Coríntios 7:2, 10, 11
57 Hinangela tupu okuti tuna okufendela vala Yehova.—Mateus 4:10; 1 Coríntios 8:6
58 Ovilolo novikahuku kavipondola okutukwatesako. Omonkonda yatyi?—1 Coríntios 8:4
Otyiwa okukala novilolo?—Deuteronômio 27:15; 1 João 5:21
59 Omonkonda yatyi otyivi okulinga ovitoto nokuyumba omawanga?—Deuteronômio 18:10-13; Revelação 21:8
60 Onoandyu onombi ine ovilulu vyalingila oumphwiiliki Huku. Ombo mbuundapesa ovatapesi pala okupandyula ovanthu.—Atos 16:16
61 Tuna yokulikwambela ku Huku. Elikwambelo lihangununa okupopia na Huku okumutolela okuti tuhanda okumuumbila ya nokumwita ekwateso.—Filipenses 4:6, 7
62 Tuna okutavela ku Yesu ya nokukala nekolelo kwe.—Hebreus 5:9; João 3:16
63 Hinangela okuti wankhila okutuyovola.—Romanos 5:8
64 Hinangela okuti Yesu Ohamba yetu yahamoneka. Tuna yokumutavela.—Filipenses 2:9-11; Revelação 19:16
65 Yesu wati ove una yokupopila vakwenyi kombinga yovipuka oviwa ukahi nokulilongesa ya vana vahanda okuumbila Huku vena yokumbatisalwa.—Mateus 28:19, 20;João 4:7-15
66 Ngotyo ove upondola okupopila omapanga ove ovipukevi oviwa.—Mateus 10:32
67 Ankho ove welilongesa okutanga nawa,upondola okulilongesa ovipuka ovikwavo ovinyingi nokukwatesako nawa vakwenyi.—2 Timóteo 2:15
68 Yesu tupu walongesavo ovana okutavela Huku. Ngoe nawike omuvo atatekelwe.—Mateus 19:13-15
69 Ovohe apeho vena okulongesa ovana okutavela ku Huku ya nokukala nohole nae.—Deuteronômio 6:6, 7; Provérbios 6:20-22; Efésios 6:4
70 Kuna onongeleya ononyingi mbelikalela. Omalongeso ambo omanyingi hao Mombimbiliyako. Yehova ututuma tusepo onongeleya mbahalongesa otyili.—Revelação 18:4; João 4:23, 24
71 Yehova una ovanthu pano pohi vapondola okukulongesa vali kombinga yae. Wii ovalye?—Atos 15:14; Romanos 10:14, 15
72 Vatiwa Onombangi mba Yehova. Vena ombembwa pokati kavo. Utyi omokonda yatyi? Omokonda velihole pokati.—Isaías 43:10-12; João 13:34, 35
73 Mokonda tupu vehole Yehova, vambatisalwa. Ngotyo valekesa kounyingi okuti vasapo ovituwa ovivi momwenyo ya nokuti vahanda okupwisila omwenyo wavo movilinga vya Huku.—Atos 2:41
74 Onombangi mba Yehova mbukevela okukala moparaisu omphe ongwa.—Salmo 37:9-11, 29
Otyityi upondola okulinga opo noove ukakale omo kumwe navo?—Tiago 1:22, 25; 2:20-26
75 Lipaka kumwe novanthu ava opo ulilongese okuumbila Yehova. Ovo vehole ya nokutavela Yehova na Kristu Yesu. Noove uvehole? Uhanda okukwatesako vakwenyi okuiiwa Huku?—João 6:45-47
76 Yehova na Kristu Yesu vekuhole ngwe vahanda ukale apeho moparaisu.—João 3:16
Tyina ove welilongesa mokutala omalekeso okuapopiwa mombrochura omu, tyili tyili tyekuavela oholo yo kukala apeho kombanda yoohi. Ankho wahanda okunoñgonoka vali kombinga yatyo, tukulaa okuti popia Nombangi ya Yehova apa ukala. Upondola okuhonekela, ine uita umwe ekuhonekeleko, kondywo yehonekelo, yo popepi napa ukala, ngetyi tya lekeswa momutete womanyina avahiwa mefo lya vali, lyombrochura ino.