Elongeso 12

Humbila Omwenyo Nohonde

Oñgeni tuna okutala omwenyo? (1) okupolapo eimo? (1)

Oñgeni Ovakristau valekesa okuti vena otyiho nomphamo? (2)

Tyapenga okwipaa ovinyama? (3) 

Ovipi ovituwa vimwe vihalekesa onthilo nomwenyo? (4)

Otyipi otyitumino tya Huku kombinga yohonde? (5)

Etyi tyakutikinya okupakwa ohonde molutu? (6) 

1. Yehova oe Ondyivindyivi yomweno. Ovipuka aviho vyokuna omwenyo vyalevala omwenyo wavyo ku Huku. (Salmo 36:⁠9) Omwenyo ku Huku ukola. Aló umwe omwenyo wolukembe luhenekutulwe lukahi meimo lya ina una esilivilo ku Yehova. Okwipaa tyawina olukembe lwatyo olo lukahi nokukula katyavyukile komaiho a Huku. ​—⁠ Êxodo 21:​22, 23; Salmo 127:⁠3.

2. Ovakristau votyili vena otyiho nokukolapo. Ovo vatala nawa inkha omatukutuku avo ekahi nawa ya onondywo mbavo mbatona. (Deuteronômio 22:⁠8) Ovaumbili va Huku kavapake omienyo vyavo motyiponga tyihasukisile mokonda yehambu ine oyeyangalalo. Ngotyo ovo kavalingi onthele movinyano vyokuundapesa kononkhono vipondola okuvalula vakwavo tyawina. Ovo velityilika kovitalukilo vihongaiya oungangala. ​—⁠ Salmo 11:5; João 13:35.

3. Omwenyo wotyinyama Komupakeko tupu ukola. Omukristau upondola okwipaa ovinyama opo apoleko okulia nomuvalo ine opo elyamene oemwene kokuvela nokotyiponga. (Gênesis 3:21; 9:3; Êxodo 21:28) Anthi katyavyukile okumonesa onkhumbi ovinyama ine okuviipaela vala okunyana ine ehambu. ​—⁠ Salmo12:⁠10.

4. Okusipa, okunthiakina omahuku obetele, nokunwa onondroga mokonda vala yehando (lyolutu) hatyo Vakristauko. Ovituwa evi vyapenga mokonda (1) vitulingisa ovapika vavyo, (2) vinyona omalutu etu, ya (3) ovyo vyakaka. (Romanos 6:19; 12:1; 2 Coríntios 7:⁠1) Tyipondola okukala tyatena unene okuyekapo ovituwo evi. Anthi tuna okutyilinga opo tuhambukiswe Yehova.

5. Ohonde tupu ikola komaiho a Huku. Huku wati okuti ohande, ine omwenyo ukahi mohonde. Molwotyo katyavyukile okulia ohonde. Tupu tyapenga okulia ohitu yotyinyama tyihapolelwe nawa ohonde. Inkha otyinyama tyimwe tyakamwa ine tyankhila meliva, katyipondola okuliwa. Inkha tyiipawa neonga ine onouta, tyina okupolwa ohonde liwa liwa inkha ohitu yatyo oyokulia. ​—⁠ Gênesis 9:​3, 4; Levítico 17:​13, 14; Atos 15:​28, 29.

6. Tyapenga okutavela okupakwa ohonde momihipa? Hinangela okuti, Yehova wahanda tuhetavele ohonde. Otyo tyihangununa okuti katupondola okutambula ohonde yavakwetu momalutu etu ine ohonde yetu mwene yaholekwa. (Atos 21:25) Molwotyo Ovakristau votyili kamavatavela okupakwa ohonde. Ovo vakatavela onkhalo onkhwavo yokuhakulwa, ngo kupakwa momihipa ovihemba vihena ohonde. Ovo vahanda okukala nomwenyo, anthi kavaovola okuyovola omwenyo wavo mokulyatela ovitumino vya Huku. ​—⁠ Mateus 16:⁠25.

[Elitalatu kemẽla 25]

Opo tuhambukiswe Huku, tuna yokulityilika okupakwa ohonde, ovityiliyo vyokwakaka, nokulipaka moviponga tyahasukisile