Elongeso 16

Etokolo Lyove Lyokuumbila Huku

Oityi ove una yokulinga opo ukale epanga lya Huku? (1, 2)

Oñgeni ove ulinga elipakulo lyove ku Huku? (1) Onalupi ove una yokumbatisalwa? (2)

Oñgeni upondola okumona ononkhono opo utwaleko nokukolela Huku? (3)

1. Opo ukale epanga lya Huku una yokukala nenoñgonoko limwe ewa lyotyili tyo Mbimbiliya (1 Timóteo 2:​3, 4), okupaka ekolelo kovipuka welilongesa (Hebreus 11:⁠6), okulivela ononkhali mbove (Atos 17:​30, 31), nokupiluluka, okuyumba onyima konkhalo yomwenyo wove wokohale. (Atos 3:19) Ngotyo, ohole yove ku Huku ina okukuhongiliya okulipakula ovemwene kwoe. Etyi tyihangununa okuti ove, melikwambelo lyove awike utolela Huku okuti ukahi nokulipakula ove mwene kuee opo ulinge ehando lyae. ​—⁠ Mateus 16:24; 22:⁠37.

2. Konyima yokulinga elipakulo lyove ku Huku, una yokumbatisalwa. (Mateus 28:​19, 20) Ombatisimu inoñgonokesa aveho okuti welipakula ku Yehova. Molwotyo, ombatisimu oyavana vala vokwekula vapondola okutokola okuumbila Huku. Putyino omunthu ambatisalwa, olutu lwae aluho luna yokunyingiliswa kohi yomeva okahimbwe kehehi.a​—⁠ Marcos 1:​9, 10; Atos 8:36.

3. Konyima yelipakulo lyove, Yehova makevelela ulinge ngetyi wapopia. (Salmo 50:14; Eclesiastes 5:​4, 5) Eliapu maliovola okukutalamesa kokuumbila Yehova. (1 Pedro 5:⁠8) Anthi lihikiya ku Huku melikwambelo. (Filipenses 4:​6, 7) Lilongesa Ondaka yae kese nthiki. (Salmo 1:​1-3) Lipaka kumwe newaneno. (Hebreus 13:17) Mokulinga atyiho etyi, ove mokamona ononkhono opo utwaleko nokukolela Huku. Ngotyo ove upondola okulinga apeho ovipuka Huku ahanda kwove!

[Atosi pombuelo yamẽla]