Sesusi Olie?

Siovaa watumine Sesusi pano pohi. 1 Swau 4:9

Ine twahanda okuhambukiswa Siovaa, tuna okutavela omunthu omukwavo. Omunthu oo oe Siovaa atetekela okutunga keulu etyi nkhele ehenetunge Andau. Omunthu umwe una ononkhono ononene.

Siovaa watumine omunthu watyo oo, meimo liomukai umwe weheneende nomukwendye, utiwa o Maliya opo akatyitilwe ko Mbelei. Etyi atyitwa avemuluku okuti o Sesusi. — Swau 6:38.

Etyi Sesusi ali pano pohi wahetekelele umwe nawa tate yae Huku. Wali omunthu wapepuka omutima, uhole ovanthu, una okankhenda. Walongesile vakwavo etyi tyayemba ku Siovaa tyehena owoma.

Sesusi walingile ovipuka oviwa, mahi ankho vemuyele. 1 Petulu 2:21-24

Ononkhalamutwe mbonongeleya ankho kambuhande Sesusi mokonda ngwe ankho ulongesa ovanthu ovipuka ovivi mbulinga.

Sesusi wahakulile ovavei nokututilisa vokwankhia.

Ononkhalamutwe mbonongeleya vahindilile ova Loma vavete Sesusi, avemwiipaa.