Olie Tyili-Tyili Utumina Ouye?

ETYI OMBIMBILIYA IPOPIA

“Ouye auho uli peke liondingavivi.” — 1 Swau 5:19, Ombimbiliya Ikola.

‘Omona wa Huku meiya, ahanye-ko ovilinga vi’Eliapu.’ — 1 Swau 3:8.

OTYO OTYIWA MOKONDA YATYI?

Onthwe tunoñgonoka omokonda yatyi mouye mwakalela ovitateka. — Eholololo 12:12.

Tyitukalesa nonthumbi yokuti apa kapii ovipuka mavikaviuka. — 1 Swau 2:17.

OKUTI TUPONDOLA UMWE OKUYUMBA ONTHUMBI MWEETYI OMBIMBILIYA IPOPIA?

Yoo, pena ovipuka vitatu vituyumbisa-ko onthumbi:

• Satanasi apa kapii kamakala-ko vali. Siovaa mwene wii onthiki mamane-ko Satanasi. Wapopia okuti ovipuka aviho vietwa-ko n’Eliapu mekevipola-ko ngwe ekelinyima-ko. — Ova Hembeleu 2:14.

• Huku wakoya Sesusi Kilisitu opo atumine ouye. Satanasi hamunthu omuwa, una elungavi, katumina nawa, mahi Sesusi kekahi nga Satanasi. Huku wapopia okuti tyina Sesusi amalingi Ohamba: “Makaetehila-mo onkhenda wokumona emone nomuhepi . . . Mekeveyovola ko vokuvelinga onya no vokuveveta.” — Oviimbo 72:13, 14.

• Huku kakembe. Ombimbiliya ipopia okuti: Huku kapondola okukemba. (Ova Hembeleu 6:18) Tyina Siovaa amati mandyilingi tyongandi utyilinga umwe! (Isaiya 55:10, 11) Omutumini wouye uno mapolwako-ale. — Swau 12:31.