Ouhamba Maukatumina Ohi Aiho

Utyii Ouhamba patyi tukahi nokupopia?— Eenga, Ouhamba wa Huku, Ouhamba maukapilulula ohi aikala omphangu yombembwa. Uhanda okulilongesa vali konthele Youhamba oo?—

Omauhamba aeho ena ohamba. Iya Ohamba itumina ovanthu vakala motyilongo tyayo. Ove utyii olie Ohamba Youhamba wa Huku?— O Jesus Kristu. Oe ukala keulu. Apa katutu makatumina aveho vakala pano pohi! Usoka okuti matukahambukwa tyina Jesus amatumina ovanthu aveho pano pohi?—

Matukahambukwa unene! Momphangu Yombembwa, ovanthu kamavakalwa vali. Aveho mavakakala noluembia navakuavo. Kamatukavela vali nokunkhia. Omaiho ovamphoki maakaikuka, omakutwi onompholo maakaikuka, vokualemana, mavakaenda, nokuhateka, nokuhomboka. Aveho mavakakala nokulia kutuuka. Ovinyama kavikelilia vali, tupu kamaviketulinga omapita. Vokuankhia, mavakatutiliswa. Ovalume ovanyingi novakai welilongesa mombrochula ei, nga Rebeka, na Raabe, na David, na Eliya mavakatutilswa! Uhanda okukelivasa navo tyina vamatutiliswa?—

Jeova ukuhole iya uhanda ukale nehambu. Inkha utualako nokulilongesa konthele ya Jeova nokumutavela, mokakalako apeho momphangu yombembwa! Noove otyo uhanda?—