Omalondolo a Vana Maveya Kotyonge
ELIONGIYO LIAKOLELA
OSIKOLA YOVAIVISI VOUHAMBA WA HUKU Ovakokoli-ndyila vomuvo auho, vena omanima 23 alo 65 vahanda okuyawisa vali ovilinga viavo viokuivisa, vakongwa opo vakale peliongiyo Liosikola Yovaivisi Vouhamba wa Huku malilingwa Tyalumingu kekumbi. Oola nomphangu apa malikalingilwa mavipopiwa motyonge.
OMALONDOLO A VANA MAVEYA KOTYONGE
VOKULEKESA OVANTHU POVIPUNDI: Vokulekesa ovanthu povipundi vapewa otyilinga otyo opo vekukuateseko. Mbambavo tavela etyi vekupopila, ngetyi opo nomphangu patalamena omatuku-tuku, na apa una okukuata, na apa muna okupumphama, novikuavo vali.
OMBATISIMU: Vana mavambatisalwa vena okupumphama povipundi vapongiyilwa, tyina nkhele elongomona liombatisimu lihenehimbike. Kese umwe, wesukisa okutyinda etuaya nomuvalo waviuka nawa, uhamonekela pala okumbatisalwa mo Tyasapalo komuhuka. Ovipundi via vana mavambatisalwa vikale komutwe popepi nomulongomoni.
OVIAWA VIOTYALI: Tyesukisa onombongo ononyingi pokupongiya nawa ovipundi, no nomikrofone, novilinga ovikuavo opo otyonge tyiende nawa nokutukuatesako okufuena ku Jeova. Oviawa vienyi viotyali, mavikuatesako okufeta ovipuka ovio aviho, tupu mavikuatesako ovilinga viokuivisa Ondaka ya Huku mouye auho. Motyonge muno muna oukasa umoneka nawa, pala kese una uhanda okupakamo onombongo opo akuateseko ovilinga ovio. Oviawa vienyi viotyali vipandwa unene. Moluotyo, Ononkhalamutwe mbo Nombangi mba Jeova vapandula unene etyi mukahi nokukuatesako ovilinga Viouhamba wa Huku.
OSEKETA YOKUKUATESAKO VANA VAVELA: Mbambavo, hinangela okuti oseketa oyo ikuatesako VALA VANA VATUMBUKILWA NOUVELA motyonge.
OVIPUKA VIAVOMBA NA VINA VIAKOYUA:
Ovipuka aviho viakoyua vina okutualwa ko Seketa oyo. Inkha wavombesa otyipuka tyimwe, enda koseketa oyo opo ukaimbuke otyipuka tyove. Ovana vavomba ko vohe, tyesukisa okuvetuala koseketa oyo. Mahi, oseketa oyo hayokulela ovana. Mbambavo, yungei nawa ovana venyi. Vakale ponthele yenyi omuvo auho.
OVIPUNDI: Kala nonthilo na vakuenyi. Hinangela okuti tyitavela okupakela vala ovipundi vana ukala navo, na vana waenda navo metuku-tuku liove ine vana ulongesa Ombimbiliya. Mbambavo uhapake ovipuka viove kombanda yovipundi inkha hapoko mopumphama.
VOKULIAVA MOVILINGA VIOTYONGE: Inkha uhanda okukuatesako ovilinga viotyonge, mbambavo enda koseketa: Vokuliava Movilinga Viotyonge, opo ukapewe ovilinga.
“KOLA OMUTIMA”!
2018 OTYONGE TYO NOMBANGI MBA JEOVA
Tyaonganekwa no Nonkhalamutwe mbo Nombangi mba Jeova