ELONGESO 15

Okupopia Tyakululuka

1 Ova Tesalonika 1:5

ETYI UNA OKULINGA: Omu upopila tyimoneke okuti etyi upopia otyili, utyii umwe nawa okuti tyesukisa.

Lilongesa umwe nawa. Lilongesa nawa atee unoñgonoka ononthele mbesukisa vali, no ñgeni ono tesitu mbuyaka etyi upopia. Ononthele mbesukisa vali, mbupopia monondaka mbehehi, onondaka mbapepuka. Tala omokonda yatyi ovanthu vesukisila okumbwiiva. Ita omphepo ya Huku ikola ikukwatesako.

Hetekela okulilongesa etyi mokalinga onthele yove, otyo upopila peulu, opo utyivile okukapopia tyakululuka.
Popia onondaka mbou wakululuka umwe. Wahatange vala, popia mwene monondaka mbove. Popia onondaka mbulekesa okuti etyi uli nokulongesa, ove mwene utyii.
Tyimoneke okuti etyi upopia utyii. Popia nondaka iivala nawa. Tyina uti pokupopia otyo utala movanthu.

Lunguka wahalinge ngatyina otyili tyatyo otyove, okuti hatyo olingi ngatyina ukuluminya ovanthu vetavele etyi uli nokupopia. Namphila upopia tyakululuka, mahi popila kolwembia.