OTYIIMBO 161
Okulinga Etyi Wahanda Ndyityihole
Onthele Yokwaimbilimilwa
1. Etyi ayaulwa momeva
Eivi ondaka yove,
Etyipake-ko tyokulinga
Etyi ove uhanda.
Ketavelele okuyondywa.
Wahulile kwoove,
Ekupe atyiho ena-tyo.
Mandyimuhetekela.
(OKUWANA)
Okukulingila Tate
Nomafa ange aeho,
Tyimpha ehambu liotyotyili,
Tyimpha ekevelelo,
Himatundu motyitei,
Ndyilinge etyi uhanda,
Notyitenya, notyinthiki
Okukuhilivika
Ndyityihole.
2. Siovaa nekunoñgonoka,
Neya mehambu enene.
Ame pahe ndyimbangi yove,
Hiholeka otyili.
Okuundapa na vakwetu,
Otyo otyiwa vali.
Ndyityilwete ove unthyole,
Mandyikupe atyiho.
(OKUWANA)
Okukulingila Tate
Nomafa ange aeho,
Tyimpha ehambu liotyotyili,
Tyimpha ekevelelo,
Himatundu motyitei,
Ndyilinge etyi uhanda,
Notyitenya, notyinthiki.
Etyi ove uhanda
Ndyityihole,
Otyo mandyilingi.
(Tupu tala Oviimbo 40:3, 10.)