Ounkhembi wo 1: Ohande Kainkhi

Opi kuatuka ounkhembi oo? Omukanda umwe wati: “Ovanongo vamwe po Vakristau votete, vetavelele olusoke luo vo Gresia luokuti ohande kainkhi, nokuti Huku walinga ohande iya eipake molutu tyina omukai apitwa.”—The New Encyclopædia Britannica (1988), Volume 11, pefo 25.

Oityi Ombimbiliya ipopia? “Ohande ilinga onkhali oyo mainkhi.”—Ezequiel 18:4, King James Version.

Ombimbiliya yapopia konthele yetyi ohande ine omunthu wotete atungwa, okuti: “Jeova Huku watunga omunthu nonthata iya afili momayulu ae omphepo yomuenyo, iya omunthu akala ohande ina omuenyo [mo Hebreu, neʹphesh].”—Gênesis 2:7.

Ondaka yo Hebreu, neʹphesh, yapitiyua “ohande,” ihangununa ‘otyipuka tyifuima.’ Etyi Huku atunga omulume wotete Andau, Oe kapakele mokati kae ohande ihankhi. Anthi, wemupaka ononkhono mbomuenyo mbutekulwa nomufuimo. Ngotyo, mo Mbimbiliya “ohande,” omunthu watyo wamundindi una omuenyo. Inkha ononkhono mbomuenyo apewa na Huku ponthyimbi embupolwa, ohande inkhia.—Gênesis 3:19; Ezequiel 18:20.

Elongeso liokuti ohande kainkhi, likatula omapulo aa: Opi onohande mbuenda tyina mbamankhi? Iya oityi tyipita no nohande mbonondingavivi? Tyina vokuliti Ovakristau vetavela ounkhembi wokuti ohande kainkhi, otyo tyivetuala kokutavela ounkhembi omukuavo​—welongeso liotupia tuo ifelunu.

[Ehangununo liolutalatu pefo 4]

Tyieleka no noversikulu ombu mbo Mbimbiliya: Eclesiastes 3:19; Mateus 10:28; Atos 3:23.

[Ehangununo liolutalatu pefo 4]

OTYILI:

[Ehangununo liolutalatu pefo 4]

Tyina omunthu ankhia keko vali