OMAPULO OMBIMBILIYA AKUMBULULWA
Okuti vokuankhia vena ekevelelo?
Okunkhia tyikahi ngolumphoki, wokuankhia kapondola okulinga natyike. Mahi, Wokuaetako omuenyo upondola okututilisa vokuankhia. Opo etyilekese, Huku waavelele Jesus epondolo liokututilisa vokuankhia.—Tanga Eclesiastes 9:5; João 11:11, 43, 44.
Omonkhalelo patyi ononkhia mbelifwa nolumphoki?
Huku walaa okuti vokuankhia, mahi vekahi mehinangelo liae mekevetutilisa avakakala mouye omupe. Vokuankhia mavakevelela alo Huku evetutilisa. Huku Wepondolo Aliho makaundapesa epondolo liae opo atutilise vokuankhia.—Tanga Jó 14:14, 15.
Etutilo malikalingwa ñgeni?
Ovanthu mavakatutiliswa na Huku maveketyivila okuliimbuka, nokuimbuka omapanga no nombunga mbavo. Namphila olutu luomunthu luasenguluka, Huku upondola okumututilisa nolutu olupe.—Tanga 1 Coríntios 15:35, 38.
Tyotyili, vokukahi nokututiliswa pala okuenda keulu kavehi. (Revelação 20:6) Ovanyingi mavakatutiliswa opo vakale momphangu yombembwa pano pohi. Mavakapewa omphitilo yokukakalako apeho.—Tanga Salmo 37:29; Atos 24:15.