OMAPULO OMBIMBILIYA AKUMBULULWA

Okuti ohi ina etyi yatungilwa?

Ohi yalingwa pala okutekula omuenyo. Muna omeva omanyingi, esukisa pala omuenyo. Okuayendama kuohi nokuliseta, nondyila yayo, vialingwa monkhalelo ikahi nawa opo elunga lihatende unene ine okutokota. Otyipuka tyitiwa (atmosfera) nononkhono ambuho mbo ohi mbutiwa (campo magnético) viyakulila ohi konohanya mbuipaa. Onkhalelo ohi itekula ovinyama nomiti ihuvisa unene. Ngotyo, ovanthu ovanyingi vetavela okuti ohi ina etyi yalingilwa.​—Isaías 45:18.

Mahi, hamwe ulipula okuti: ‘Ononkhumbi novivi vilinga onthele yetyi ohi yalingilwa?’​—Tanga Deuteronômio 32:4, 5.

Okuti etyi ohi yalingilwa matyifuiswapo?

Ohi yalingwa opo ikale eumbo lihambukiswa liovanthu, vena onthilo kumwe navakuavo nokuhole Omutungi wavo. Ngotyo, ovanthu valingilwa etyi tyakolela vali tyipona omiti novinyama. Onthue tutyivila okuimbuka olie Omutungi wetu nokumupanda nokuhetekela oluembia lwae nouviuki.​—Tanga Eclesiastes 12:13; Miquéias 6:8.

Omutungi wetu upondola okufuisapo atyiho apanga okulinga. Ngotyo, tuna onthumbi yokuti makapolako ononkhumbi novivi iya omutungi wetu malingi nawa ohi aikala eumbo liovanthu lihambukiswa.​Tanga Salmo 37:11, 29; Isaías 55:11.