OMAPULO OMBIMBILIYA AKUMBULULWA
Oityi tulikuambelela okuita Ouhamba wa Huku uye?
Okuti uhanda okunoñgonoka vali konthele Youhamba wa Huku netyi maukalinga?
Ouhamba wa Huku maukatuminina keulu. Jesus walongesile ovalanduli vae opo velikuambele okuita Ouhamba wa Huku mokonda maukaeta ouviuki nombembwa pano pohi. Kutupu omutimini na wike womunthu upondola okumanako ovivi, onya, ine omauvela, mahi Ouhamba wa Huku upondola okutyilinga iya mauketyilinga. Huku waholovona Omona wae, Jesus, opo akale Ohamba Youhamba wae. Jeova tupu waholovona vamwe po valanduli va Jesus opo vakatumine na Jesus Mouhamba oo.—Tanga Lucas 11:2; 22:28-30.
Apa katutu Ouhamba wa Huku maukanyimako onondyale ambuho mboutumini wa Huku. Ngotyo, tyina tuita opo Ouhamba wa Huku uye tukahi nokuita outumini wa Huku upingeko omautumini aeho ovanthu.—Tanga Daniel 7:13, 14; Revelação 11:15, 18.
Ouhamba wa Huku maukaetela ovanthu oviwa, mokonda yatyi?
Jesus Ohamba ongwa mokonda una okankhenda. Mokonda omona wa Huku, Jesus una epondolo liokukuatesako aveho vaita ku Huku ekuateso.—Tanga Salmo 72:8, 12-14.
Ouhamba wa Huku mawetela oviwa aveho vana vewita noukuatyili nokulinga ehando lia Huku. Inkha ulilongesa etyi Ombimbiliya ipopia konthele Youhamba wa Huku kumekelivela.—Tanga Lucas 18:16, 17; João 4:23.