Omapulo Ombimbiliya Akumbululwa
Oityi ovanthu vakevelela komutwe?
Oñgeni ononkhia mba jesus mbaikulila ovanthu ondyila yokukala mouye omu ovanthu mavekesuka na vakuavo?
Tyotyili, ovanthu mavatualako okuyawisa ounongo womouye. Mahi okuti kononkhono mbavo muene mavetyivili okulitekula nawa na vakuavo? Au. Hono ovanthu mouye vena elungavi, kavasukile na vakuavo. Mahi, Huku walaa otyipuka otyiwa unene pala ovanthu.—Tanga 2 Pedro 3:13.
Ondaka ya Huku ipopia okuti ovanthu vakevelela ouye umwe omuwa, muna mavakakala noluembia kese umwe na mukuavo. Ovanthu mavakakala netuliyo, iya kamakukakala vali natyike tyivetilisa owoma.—Tanga Miquéias 4:3, 4.
Oñgeni elungavi malikanyimwa-ko?
Ponthyimbi, Huku watunga ovanthu tyihena elungavi na like. Mahi, mokonda omulume wo tete wakoya-po okuhetavela ku Huku, wavombesa omuenyo uhena onkhali. Iya onthue tuapiñgana elungavi kwe. No ngotyo, Huku matumu Jesus, opo akondole ovanthu komuenyo uhena onkhali.—Tanga Romanos 7:21, 24, 25.
Mehando lia Huku, Jesus wankhile opo aave otyilikutila, nokunyimako ovivi viatuka konkhali yomulume wo tete. (Romanos 5:19) Ngotyo, Jesus waavela ovanthu ekevelelo ewa unene, liokukayovolwa melungavi, no meyembelo liokulinga etyi tyapenga.—Tanga Salmo 37:9-11.