Oityi Ombimbiliya Ipopia?

Okuti huku una enyina?

OVANTHU VAMWE VAPOPIA okuti Huku utupu enyina. Ovakuavo vati enyina liae o Huku ine o Tatekulu. Nkhele ovakuavo vati, una omanyina omanyingi. Ove oityi usoka?

ETYI OMBIMBILIYA IPOPIA

“Ove, utiwa Jeova, ove vala Omukulami kombanda yohi aiho.”​—Salmo 83:18.

OITYI VALI TUPONDOLA OKULILONGESA MO MBIMBILIYA?

• Namphila Huku ena omanyina omanyingi enkhimano, oe weliluka enyina like vala.​—Êxodo 3:15.

• Huku heelema-ko. Oe uhanda tumunoñgonoke.​—Atos 17:27.

• Okunoñgonoka enyina lia Huku, otyo otyipuka tyo tete omunthu apondola okulinga opo akale noupanga nae.​—Tiago 4:8.

Okuti tyapenga okutumbula enyina lia Huku?

OKUTI OVE UPONDOLA OKUTI?

• Yoo

• Au

• Ine tyafuile

ETYI OMBIMBILIYA IPOPIA

“Uhatumbule enyina lia Jeova Huku yove tyehena esuko.” (Êxodo 20:7) Tyapenga vala, inkha utumbula enyina lia Huku tyihena onthilo.​—Jeremias 29:9.

OITYI VALI TUPONDOLA OKULILONGESA MO MBIMBILIYA?

• Jesus ankho utumbula enyina lia Huku.​—João 17:25, 26.

• Huku utukonga opo tupopie nae okutumbula enyina liae.​—Salmo 105:1.

• Onondyale mba Huku, mbuhindila ovanthu okulimbwa enyina liae.​—Jeremias 23:27.