Omokonda Yatyi Ombimbiliya Yatuailako?

Ombimbiliya ikahi nokutualako. Moluotyo, mononthiki mbetu ove upondola okukala nayo otyo wiitanga. Iya tyina ove uholovona onthele ongwa Yovihonekwa, upondola okukala nonthumbi yokuti ukahi nokutanga ovihonekwa viokohale.a Mahi omokonda yatyi Ombimbiliya yatuailako, namphila ankho vahanda okuihanyako iyelwe iya namphila ankho vahanda okupilulula etyi ipopia, nonkhalelo yatualako? Oityi tyakolela tyikahi Mombimbiliya?

Ovalilongesi ovanyingi Vombimbiliya vehole okusoka nga apostolu Paulu wahoneka okuti: “Ovihonekwa aviho viatumwa okuhonekwa na Huku.” (2 Timóteo 3:16) Ovo vetavela okuti Ombimbiliya yatualako mokonda oyo Ondaka ya Huku iya tupu omokonda yetyi weipaka nawa alo hono. Faizal, wapopiwa konthyimbi yononthele ombu, watokola okuovolola vali konthele yovipuka vielikalaila ovanthu ovanyingi vapopia po kulilongesa Ombimbiliya. Wahuva unene netyi anoñgonoka. Liwa-liwa wanoñgonoka okuti omalongeso omanyingi Onongeleya kavahiwa Mombimbiliya. Wahambukwa unene netyi Ombimbiliya ipopia konthele yehando lia Huku pala ohi.

Wapopia okuti: “Ame pehepano ndyina onthumbi yokuti Ombimbiliya ndyinayo otyaawa tyatunda ku Huku.” Moluotyo, inkha Huku una epondolo liokutunga ouye, okuti utupu epondolo liokupaka nawa omukanda oo iya etuavela oo? Inkha tupopia ngotyo, matyitepulula epondolo lia Huku. Tupu matyitepulula epondolo lio Mukulami— Iya ame, amelie pala okulinga ngotyo?”—Isaías 40:8.