Oityi Matupopi Konthele Yomutala Womulavi no Despertai!

Omutala Womulavi 1 ya Kulindi

“Ovanongo vomouye vaimbuka okuti ovohe vena otyilinga tyakolela mombunga. Oityi ove usoka tyipondola okukuatesako ovohe okutekula nawa ombunga? [Yeka omunthu akumbulule.] Jesus wapopile oñgeni ongeleka ya Tate yae yemukuatesileko. [Tanga João 5:19.] Omutala ou Womulavi (Melaka lio putu) upopia ononthele epandu mbakolela kombinga yotyilinga tyovohe.” Lekesa onthele ihimbika pefo 18.

Despertai! ya Kulindi

“Ovanthu vonongeleya ononyingi vena omalusoke elikalela konthele ya Huku. Mahi, oñgeni Omona wa Huku apopile konthele Yae? Tala onondaka mba Jesus mu João 4:24. [Tanga] O Despertai! ei pomafo vala evali ilekesa etyi Ombimbiliya ipopia konthele yepulo eli, “Huku olie?” Lekesa onthele ikahi pefo 24 alo 25.

Omutala Womulavi 1 ya Kayovo

“Ovanthu ovanyingi kavetyivili okunoñgonoka oñgeni Huku yoluembia, amonesa ovanthu emone mo ifelunu yotupia. Oityi ove usoka? [Yeka omunthu akumbulule.] Ombimbiliya ilongesa nokuayandyuluka nawa okuti Huku utupu onkhongo ine omukalavi. [Tanga Ezequiel 18:23.] Ove mohambukwa okutala olusoke Luovihonekwa lukahi Momutala ou Womulavi.”

Despertai! ya Kuhuhu

“Ovikando ovinyingi ovanthu vapopia okuti omuenyo omuwa, utundilila kenkhimano, olumono, ine epondolo. Pala ove oityi tyihangununa okukala nomuenyo omuwa? [Yeka omunthu akumbulule.] Tala etyi Ombimbiliya ipopia konthele yetyi tyieta omuenyo omuwa. [Tanga Salmo 1:1-3.] O Despertai! ei ipopia ononthele epandu mbakolela pala okukala nomuenyo omuwa.” Lekesa onthele ihimbika pefo 6.